PLAVA DHE GUCIA
Demir KRASNIQI
PLAVA DHE GUCIA
Çiftelinë e gjyshit e kam marrë në dorë
Dhe një këngë të bukur , unë e kam ujdisë ,
Për vëllezërit vendorë dhe në diasporë –
T’ ia këndoj kujtim Plavës dhe Gucisë !
Refreni:
Hej, hej, Plavës dhe Gucisë –
Hej, hej , djepave të trimërisë !
Hej, hej , Malësisë legjendare –
Hej, hej, krenarisë shqiptare !
Plava dhe Gucia –
Si mjalta e tatlia !
Gucia dhe Plava –
Si pitja e bakllava !
Janë këto dy komuna në Alpet malore ,
Janë këto dy krahina vende turistike .
Janë këto dy krahina t’ bukura natyrore ,
Janë këto dy krahina t’ djepave kreshnike !…
Janë këto dy komuna ma t’ bukura n’ Ballkan ,
Janë këto çerdhe trimash t’ luftërave heroike …
Janë vendet ma t’ bukura t’ kontinentit evropian ,
Janë kala bedenash ndaj forcave armike !…
Plava dhe Gucia qytete t’ kësaj ane ,
Që shtrihen krenare përmbi ato male …
Këto janë dy qytete të vjetra urbane ,
Qendra administrative edhe komunale …
Këto dy qendra janë Plava dhe Gucia –
Me lumenj të pastër , që rrjedhin si loti !
Me male alpine që të kapë lakmia ,
Me rreze të arta të Diellit që shkrepë moti !
N’ këto krahina shtrihet liqeni i Plavës ,
Në to ka shumë shpella , pasuri e pyje …
Pasuria e t’ parëve – në trojet e babës ,
Me florë e faunë të pasur si yje …
N’ bjeshkët legjendare – udhëtojmë si në përralla ,
Nëpër rrugë makine – shohim si n’ pasqyre ,
Në trevat malore – bukuri të rralla ,
Kënaqet shpirti e syri n’ begati natyre !…
II.
Nga Plava e Gucia , n’ këto çerdhe kreshnike –
Mund t’ komunikosh me zona turistike !
Qoftë me Mal të Zi , Shqipërisë dhe Kosovës ,
Po edhe me shtete tjera të Evropës !…
Përmes lumit Lim dhe Drinit të Bardhë –
Mund t’ komunikosh gjithë kah ka shqiptarë !
Drinit të Bashkuar , Vermoshit , Valbonës –
Mund t’ komunikosh me gjithë vende t’ botës !
Sidomos gjatë Verës , Plavës dhe Gucisë –
Iu mbi dyfishohet numri i popullsisë !
Emigrantët vijnë me të shtrenjtat bindje –
T’ i kalojnë pushimet në t’ shenjtat vendlindje !
Në Plavë dhe Guci , gjatë muajve të Verës ,
Por edhe të Vjeshtës , Dimrit e Pranverës –
Vijnë turistë ditorë nëpër pushimore
Dhe grupe turistësh nga disa – ditore .
Në Plavë dhe Guci , në vërri e n’ bjeshkë tjetër –
Frekuentohet turizmi në alpin e gjelbër !
Dhe turizmi i bardhë me sporte dimërore ,
Si dhe lloje tjera turizmi natyrore …
Këto dy treva ofrojnë mundësi për pushimore ,
Këto ua mundësojnë objektet natyrore !
Objektet historike edhe legjendare ,
Objekte kulturore dhe t’ kulteve fetare !…
Atje gjejnë “turizmin e pasur kulinarë “ ,
Pije e gatime të traditës ndër shqiptarë !…
Me alpinizmin edhe me skijimin ,
Po me gjuetinë edhe me peshkimin ! …
Gjilan, më 01.11.2017. Demir KRASNIQI
