LETER NGA BERATI …

 LETER NGA BERATI  …

         Pas  40   vitesh ,  i  drejtohem   me  një  letër  për  në  Berat ,  mësuesit  tim  të  klasës  së  parë . I  drejtahem   me  këto  rreshta :

                    I  dashur   mësues  Isa !

    “Sot  që  po  u  drejtohem  me  anën  e  kësaj  letre , ju  uroj  nga  zemra  ime ,  juve  e  gjithë  familjes  tuaj shëndet .  Erat   e  kohëve, frynë  e  më  trazuanë  kujtimet .  Më  prunë  aty  tek  ty ,  mësues  Isa . Më  zgjohen  ëndrrat  fëminore .  Ato  fluturojnë  tek  fjala  e  dora  e  juaj  e  ngrotë . Këshillat  tuaja  si  edukator  e  mbi  të  gjitha , mësuesi  im  i  parë,  që  më  mësoi   A B C – në.  Vitet  ikin . Pas  ato  lënë  mbresa , kujtime , gëzime  e   hidhërime . S’bashku  formojnë  trungun  e  vetëm :  Pavdekësinë  e  kujtimeve !

                 I   dashur   mësues !

     E  di ,  që  vitet  të   kanë   lodhur  .  Në  ballë  të  janë  thelluar  rrudhat (  Jo  të  plakjes ) , të  punës . Mbi  kokë  thimjat  e  A B C – së , në  edukimin  e  shumë  brezave  fëminore .  Edhe  unë  jam  rritur . Si  “zog ”  i  vogël . Ashtu , si  mund  të  më  parafytyroni  ju  tani “. Po  mundët  më  dërgoni  një  letër , që  unë  të  shuaj  sa  do  pak  mallin .

                                                                            Përqafime,

                                                                  Nga  ish  nxënësi  juaj , 

                                                                      Xhevahir   Cirongu

                                                                                  Durrës , 18 . 10 . 2005

                             Mësues  Isai   më  dërgon  përgjigje  të  letrës !…

                 I  dashur  ish  nxënësi  im  Xhevahir !

    Sot , që  po  ju  shkruaj  këtë  letër , ju  uroj  shëndet  nga  zemrra  ime .                Nëpër  mjet  jush , lumturi  e shëndet  familjes suaj . Nuk  di  si  të  shprehem  kur  mora  letrën  nga  ju . Ajo  më gëzoi  shumë . Nga  gëzimi , kur  e  lexoja  më  dilnin   lotë  nga  sytë . Një  letër  pas  kaq  vitesh !.  Në  vargun  e  rreshtave  të  letrës ,  kishte  mall  e  kujtime  nga  fshati  i  largët , Leskova  e  Tomorricës . Shikoj  malin  e  Tomorrit . Ai  më  kujton  njerëzit  bujarë  e  puntorë  të  kësaj  zone . E mbi  të  gjitha  Leskovallinjtë. 

     Xhevahir !  Dua  të  di , si  je  me  shëndet ?  Sa  fëmijë  ke ?  Po  prindrit  a  jetojnë ?  Sa  vëllezër  e  motra  jeni ?!.  Farë  e  fisi  nga  fshati  ku  i ke ?  Të  pyeturat  s’kanë  të  mbaruar . U  lidha  me  Astrit  Shatron . I kam  shkuar  dhe  në  Poliçan  për  vizitë . Edhe  ai  më  erdhi .Të  them të  drejtën , nuk  kam  se  si  të  shprehem  për  njerëzit  e  fshatit  tuaj . Kam  takuar  dhe  Kudret  Seferasi  në  Berat.  Ai  nuk  më  njohu . Isa  Cenka   jam –  i  them  unë .  U  habit  një  çast !.  Kam  ngrënë  bukë  e  pirë  ujë  në  fshatin  tuaj – i  them  prapë .  U  përqafuam .  Qamë  nga  gëzimi . Kishim  vite  pa  u  parë . Buka  e  tomorricarit  nuk  bëhet  haram. Më  një  janar  kam  ditlindjen . Po  bëj   dhe  dokumentat  për  pension  pleqërie. A  do  vish  dotë?  Të  pres ……   Ajo  që  nuk  mund  të  harroj ,është  dhe  përciellja  kur  u  largova  nga  fshati  tuaj . Më  përcollën  se  ika  ushtar . Mbrëmja  u  organixua në shkollë. Aty  mori  pjesë  gjithë  fshati . Një  respekt  e  largim  nga  fshati  Leskovë  , që  tek  unë  kanë  zënë  rrënjë . Shikoj  malin  tomorr  e  shqiptoj   emrin  LESKOVE  !… Më  kujtohen  Nefail  e  Arshin  Shatro , Zaim  Nuhu , Arif  Shatro , Estref  Dorozhani , Hasan  Cirongu , Shefqet  e  Remzi  Cirongu , Fat’ha  e  Ali  Shabani , Servet  Shabani , Veis  Shatro , Faslli  Nuhu etj . Këta  e  të  tjerë , më  përcollën  deri  në  Qafën  e  Obruzit . Përqafime  e  lotë !….  Lamtumirë ,  o  njerëz  të  mirë  të  maleve  Tommorriane !…..

  Në  Leskovë  karakteristike  ishin  dhe  shtëpitë  dy  katshe  prej  guri . Në  cdo  portë  ishte  gëdhendur  një  shqiponjë. Një  gjë  të  tillë,  kishte  dhe  në  fshatrat , Grevë , Kovocanj , Postenë,  Zaloshnje , Mëlovë . Këtu  në  Kuçovë  kam  takuar  edhe  Mitat   Gjokën  nga  Floqi . Nga  Postena , Ylli  Zhuri , Neim  Zhuri etj .  Takohem  me  ta , e  vetja  më  duket  sikur  jam  në  Tomorricën  e  zemrës  sime !

                                                                         Përqafime,

                                                                         Isa   Cenka

                                                                               Berat ,  10 .  12 .  2005