Ikja…

Poezi Nga Xhevahir Cirongu

Ikja…

Ikja, ikja….
Ku?
Për ku!?…
Një xhaketë e vjetër
Mori arratinë
Dhe…ikja, ikja
Për ku!?

Tek gozhda e vjetër
Ngulur në mur,
Kujtimet ka lënë aty
Një xhaketë të vjetër.

Dhe…si një ditar i hapur
Atje shfaqet si në ekran,
Tek ajo gozhdë e ndryshkur
Ikja në arrati plot mall.

Ndërsa te gozhda e ndryshkur
Varur qëndron dhimbja
Dhe… ikja iku diku…
Në gozhdën e vjetër
Ikja fle në qetësi.

Durrës, 4 Mars 2018