Disa të dhënë biografike për Xhemajl Abazin :

Xhemajl (Muharrem) Abazi, u lind më 24.05.1939, në qytetin e Fierit në Shqipëri. Pas përfundimit të Luftës së Dytë Botërore, familja e tij rikthehet në Kosovë, në tokën e të parëve në Vushtrri, pasi që ishin detyruar që të largoheshin nga Kosova në kohën e reformës agrare.

Shkollimin fillorë e përfundoi më 1954 në Vushtrri ndërsa shkollimin e mesëm në Shkollën Normale të Prishtinës (Akademia Pedagogjike e Prishtinës) më 1960.

Qysh herët ai u brumos më idetë nacionaliste kombëtare, ide këto që do ta përcjellin gjatë gjithë jetës së tij. Ai u edukua në frymën si duhet shërbyer kombit dhe interesave kombëtare.

(Xhemajl Abazi 1939-2010)

 

I etur për të edukuar breza të rijnë,  më 1960 fillon punën si mësues klase në Shkollën Fillore “Tefik Qanga” në Han të Elezit e nga shtatori i vitit 1965 punësohet në Shkollën Fillore “Naim Frashëri” (ish Sh.F. “Boris Kidiç”) në qytetin e  Vushtrrisë.

Më 25 Tetor 1972, ai kalon me punë në Ndërmarrjen “Higjiena Teknike” në Prishtinë, ku kryen detyrën e referentit për plan dhe analiza. Më pas, në fillim të vitit 1988, ai u zgjodh drejtor po në këtë ndërmarrje. Me fillimin e aplikimit të masave të dhunshme nga Qeveria e Serbisë, në fillim të vitit 1990, ai u largua nga puna me motivacion person i pa dëshiruar.

Ai është ndër intelektualët e parë të Vushtrrisë me rrethinë që dhanë kontribut të madhe në formimin e aktiveve, nëndegëve dhe degës së Lidhjes Demokratike të Kosovës në Vushtrri.  Edhe në aksionin për Pajtimin e Gjaqeve gjatë vitit 1990, ai ishte shumë aktiv, pasi ai ishte një njëri shumë autoritativ dhe gëzonte një respekt të madhe tek populli. Ai u vu në krye të shumë aksioneve për pajtimin e shumë gjaqeve, ngatërresa dhe plagëve.

Gjatë gjithë periudhës së viteve ’90 ai mbeti i pa punë. Në kohën kur në Kosovë zhvillohej lufta e Ushtrisë Çlirimtare të Kosovës, dha një kontribut të çmuar. Ishte në frontet e luftës krah për krah me ushtarët e lirisë. Ai u angazhua për ofrimin e ndihmave si në medikamentet mjekësore, ushqim si dhe për veshmbathjen e luftëtarëve të lirisë.

Ibrahim Rugova (President i Kosovës dhe Kryetar i LDK-së) dhe Xhemajl Abazi me 
bashkëpunëtor pas një takimi

 

Pas përfundimit të Luftës Çlirimtare (1999), ai vazhdoi aktivitetin e tij politik në Lidhjen Demokratike të Kosovës dega në Vushtrri. Për dy mandate radhazi, 2000/2002 dhe 2002/2007, kryen funksionin e këshilltarit komunal dhe kishte kryesuar grupin e LDK-së.

Ai nga fillimi i vitit 2001 e deri në fund të vitit 2003, ushtroi detyrën e kryetarit të kryesisë së LDK-së në Vushtrri.

Për kontributin e tij të dhënë në aktivitet në LDK – Dega në Vushtrri, më 17 Janar 2010, kjo degë i ndanë mirënjohje të posaçme.

Pasi kreu me sukses misionin e tij jetësor në shërbim të atdheut, më 16 Shkurt 2010, mbylli sytë duke u ndarë përgjithmonë nga familja dhe rrethi ku jetonte. Pas vetës la bashkëshorten, një djalë dhe dy vajza.

 

Disa vlerësime për figurën dhe e  Xhemajl Abazit :