Shakespeare është djal  i një tregtari të leshit (John Shakespeare), lindi më 23 prill 1564 në Stratford (Avon,  Warwickshire) Babai i tij hyri në rradhët e borgjezisë duke u martuar me Mary Arden, vajzë e një familje të respektuar (Robert Arden of Wellingcote). Si fëmi morri një edukatë cilësore duke ndjekur mësimet gjuhësore, latinishten, retorikën dhe historinë.

Më 1582 martohet me shpejtësi të çuditshme me Anne Hathawaj e cila ishte me barë që prej disa muajësh. Nga kjo kohë, nuk dihet asgjë për të përveçse që u largua nga Stratford për në Londër e kjo, aty nga viti 1587. Dijmë edhe se i lindën Susanna (maj 1883) dhe binaket Hamnet e Judith në shkurt të vitit 1585  (Hamnet vdiq në moshë njëmbëdhjetë vjeçare, në gusht 1596)

E hasim rishtazi në vitin 1592 kur pamfletisti Robert Greene e kritikon për dramën Henri i VI-të. Në këtë kohë Shakespeare ishte dramaturg dhe aktor e luante kryesisht në pjesët që i shkruante vet.

Më 1594, filloi bashkëpunimin me teatrin e Lordit Chamberlain (Lord Chamberlain’s Men), i cili ishte ministër për çështjet e argëtimit mbretëror. Pas disa kohësh, Shakespeare filloi të shkruan vetëm për këtë kompani teatri dhe ndërpreu totalisht me paraqitjen në sqenë për të inkarnuar ndonjërin nga personazhet e vet. Pas vdekjes së Elizabetës së I-rë dhe vendosjes së Xhejmsit të I-rë (James Stuart) i cili e bleu teatrin dhe i ndërroi emrin në King’s Men e me këtë rast, Shakespeare u vendos në teatrin Globe (Teatri Oval).

Nga ky moment, duket se fillon edhe ngritja materiale e tij. Blen një rezidencë  në Londër dhe një tjetër në Stratfort. Disa kritikë, kundërshtarë të tij, përfitojnë nga ky fakt për të thënë se ai dallon nga shkrimtarët e kohës së vet vetëm pse dijti të akumuloj pasuri dhe se nuk ka aspak ndonji meritë të veçantë letrare.

Viteve të fundit të jetës përjetoi disa trazira. U ndoq në gjyq pasiqë i pat rrethuar tokat e tij e kështu pengoi fshatarët të fitojnë për jetë. Përpos kësaj, dhëndëri i ardhshëm, pra i fejuari i Judithës, qe akuzuar për marrëdhënie seksuale me një grua tjetër nga e fejuara e vet…

Shakespeare vdiq me 13 prill 1616 duke mos lenë pasardhës sepse vajzat e tij nuk patën femijë.   

Vepra

William Shakespeare është dramaturgu më i madh anglez i të gjitha kohërave. Veprat e tia ndahen në tri zhanre kryesore : tragjeditë, komeditë dhe dramat historike. 

Ndër tragjeditë, më të njohurat  janë:

Romeo dhe Xhylieta (1591),
Hamleti, (1594)
Jul CezarIi (1599),
Troiliusi dhe Kresida (1602),
Othello (1604),
Mbreti Lir (1605),
Makbethi (1606),
Koriolani (1608),
Antoani dhe Kleopatra (1607).

Komeditë :

Ëndërra e një nate vere (1954), 
Sprija i zbutur (The Taming of the Shrew) (1594),
Shum zhurmë për asgjë (1598) e disa të tjera më pak të njohura.

Dramat historike :

Richardi i III (1593)
Mbreti John (The Life and Death of King John) (1596) etj.

Mendohet se disa drama janë të shkruara në bashkautorësi si dhe disa tekste të shkruara në fillim të shekullit XVII, mendohet të jenë të tia por nuk mund të thohet asgjë me siguri. Jashtë dramës, ai shkroi edhe disa sonata e poema.

Botimi i parë mbi jetën dhe veprën e Shakespeare-it daton nga nga viti 1623 kurse ndër më të mirat konsiderohen ajo e Boydell-it dhe Malone-es. Përndryshe me së shumti për referencë merren Pope, Steevens, S. Johnson e sidomos eseisti dhe fizikanti N. Drake me veprën e famëshme "Shakespeare and his Time".