Letërsi

Laureta Miftari:

Lidhje të jashtëme:

●Shah - Chess
●Cartoon
●Le Blog de Nicole.K

Vrapi i të pivilegjuarëve pas prodhimit dhe fitimit sa më të madh, shkaktoi mosbarazinë e ofertës dhe harxhimit që solli dhe sjellë shëmbjen e tregut në të gjitha aspektet e përgjithëshme me rënditje: prodhim i tepruar, zvoglim i detyruar i prodhimit, mbyllje të vendeve të punës, (papunësi), dobësim i aftësisë për konsum e në fund, depresion në përmasa të mëdha që do të shtin në lëvizje fuqi të reja, të afta për ndryshime dhe për ndarje më cilësore të pasurive.

Përroni në mes të pagava të larta dhe atyre të ulta u shëndrua në lum vrullmadh pa asnjë sqarim të mundshëm dhe pa asnjë arsye të vërtetë. Përpos kësaj, kapitali mbledh frutet nga të gjitha anët, sidomos të ardhurat në nivel shtetëror. Ja edhe një element i rëndësishëm në zbritjen e mundësisë blerëse të familjes së shtruar pagës. Ngecja në plasman të prodhimeve krijon nevojë për treg të ri, shkakton inflacion, luftë këmbimi monetar por, të gjitha masat e marrura në këto drejtime vetëm shkaktojnë ngecje dhe thellim në varfëri. Koha e kolonializmit dhe luftërave për burime të reja të materjes së parë të lirë dhe e punës së dorës së lirë për të cilën kishte nevojë kapitalizmi dhe mbi të cilën e ndërtoi tregun dhe pasurimin nuk kalon në ditët e sodit. Këtë mënyrë të zhvillimit, në kohë të tij Marksi e kuptoi mirë por shtjellimi ideologjik i tij nuk u përputh dhe nuk përputhet as sot me çështjen e drejtë ekonomike. Klithjet për ndryshim me forcë të sistemit politik dhe social nuk sollën as prosperitet e as lumturinë aq të dëshiruar. Rrugëdalje nga një debakël të ekonomisë sot, e kjo është e vërtetë, duhet kërkuar edhe tek idetë e « mjekrroshit të famshëm » por me një ndarje të plotë nga ideologjia e forcës dhe « diktaturës së proletariatit ». Është tejet produktive të studjohet forma e reorganizimit në Kinë, e cila viteve të fundit arrijti të përballoj më me sukses « krizën ekonomike botërore » dhe duket se shënon rezultate pozitive në ngritjen e cilësisë së nivelit jetësor në vend. Si që përmenda në rastin e Marksit, duhet ndarë plotësisht ideologjinë nga ekonomia dhe nga ndërtimi i sistemit ekonomik. Asesi nuk është e rrugës të anohet nga një ndryshim i vlerave demokratike me vlera të tjera të sistemeve të kaluara diktatoriale apo thjeshtë njëpartiake. Problemi nuik qëndron në ideologji por në ndarje të begative në mënyrë më të drejtë. Një nacionalizim i pasurive me karakter kombëtar – shtetëror dhe krijimi i një   mbikqyrje rigoroze nga një organ i cili do të përbëhej prej njerëzve të cilëve u dihet pasuria e tyre personale dhe familjare, në ditën e marrjes se funkcionit operues dhe të njejtëve, të ju mbikqyret pasuria e përmendur gjatë dhe pas përfundimit të mandatit të caktuar.

Çdo pasurim eksesiv dhe i pajustifikueshëm duhet të ndërpritet nga organet më të larta mbikqyrëse shtetërore. Kontrolli i pavarur mbi pagat dhe rritjet e tyre eventuale gjithashtu të mbikqyren dhe kordinohen nga shteti vet, nga organe të tjera politiko-shoqërore dhe nga anët politike në opozitë.

Kur flas për këto forma të kontrollit, nuk duhet t'i ngatërrojmë kuptimet dhe kërkesat. Ndryshimet e kohës « revolucion, forcë, diktaturë » janë tejet të dëmshme dhe duhet larguar nga këto synime shkatërruese. Sot kur në botë mbisundon e drejta e plotëfuqishme e votës, duhet organizuar dhe çfrytëzuar këtë të drejtë për të arrijtur ndryshimet më fatlume për të gjithë, në nivel të shteteve në mbarë botën.

Duhet studjuar dhe parë me kohë synimet cinike të një klase, grupimeve ose personëve të caktuar për të mundur të elimonihen nga gara për pushtet duke bërë të mundshme të zgjidhet ai dhe ata që propozojnë një sistem korekt ekonomik për dalje nga kriza  në të cilën vazhdon të zhytet e « mbarë bota ». Nuk flas këtu as për anë të djathta e as për të majtat. Flas për njerëz të cilësisë së lartë, me pasuri humane dhe me njohuri ekonomike dhe politike, të aftë për të nxjerrur njerëzimin nga kriza që kaplon gjithëmonë më shumë rruzullin ku jetojmë.