Debat: A ka dorë njeriu në katastrofat natyrore?

Viteve të fundit katastrofat natyrore sikur nuk ka të ndalur dhe po marrin një hapësirë të skajshme çdo herë e më shum. Sivjet një zinxhir « befasishë » u vërsulën mbi rruzullin tokësor. Temperatura të larta të papara dhe zjarr gjigantesk në Rusi, Greqi, Portugal; përmbytje në Pakistan e shëmbje dhe rëshimë dheu-baltë në Kinë e mos të numëroj thatësitë e trazirat tjera të këtyre dy muajëve qershor 2010, gusht dhe fillim shtatori. Toka sikur është dobësuar e është bërë e ndjeshme ndaj fenomeneve të veta. Rajone të ndryshme janë të prekura shpesh nga thatësi, përmbytje apo zjarre të mëdha nuk ka dyshim, por ndryshimet që pëson klima nga pakujdesia dhe pangopshmëria e njeriut pas pasurimit, shënon ndryshime të mëdha në në barazpeshën e rëndomtë dhe merr proporcione të padurueshme të përgjithëshme tokësore. Dhe nuk është vetëm ngritja e temperaturës, këtu hyjnë edhe ndërtimet e pakontrolluara të vendbanimeve në vënde të ekspozuara përmbytjeve e kjo rritë numrin e dëmeve e sidomos të viktimave njerëzore. Në kinë, përgjatë lumin Heilong janë ngritur mbi 1000 hidrocentrale vetëm në pjesën e epërme të tij, e pra balta vrasëse është pasojë e saj, e shpyllëzimit dhe shfrytëzimit të pakujdesshëm të minierave. Në Rusi u bë tharrja e moçaleve pas asnjë plan të mirëfilltë. Atje edhe më parë ka patur zjarre të mëdha por aty ishin edhe kufijtë natyror që ndërpritnin përhapjen me përmasa që rëndë mund të kontrollohen. Në Pakistan ngrihen vendbanime në vënde lehtë të përmbytshme nga shirat dhe dalja e ujërave nga shtrati; në ujërat detare të ShBA-s, vajguri ndytë natyrën me muaj...

Këto pakujdesi të tepruara e në mënyrë brutale e të pandërprerë hapën rrugë për rritjen e tragjedisë të kësaj vere. Pyetja tash bëhet se a janë këta katastrofa thjeshtë rruga e fatit në botë ose në këtë ka dorë edhe njeriu ?! Si që përmenda më lartë, njeriu luan një rol ndoshta minimal por nëpër vitet që kalojnë, ndryshimet rriten e komplikimet marrin hov të pandalshëm. Shkencëtarët janë të kujdesshëm në pohimet e tyre por vënë në pah rritjen mesatare vjetore të temperaturës dhe rritjen e dioksidit të karbonit (CO2) në natyrë. Ndër ta, « Raporti Meadows » shpesh i ka vënduar në pah një seri problemesh që ndikojnë dhe çojnë drejtë një katastrofe me dimenzione gjithëshkatëruese.

Për konfirmim të mospërgjegjësisë së njeriut, është viti 2010, dëshmitar i dështimit të Konferencës së Kopenhagënit ku blokadat e shteteve të pasura si dhe atyre në zhvillim e sipër lëne të kuptojmë se edhe Konferenca e Kankunit që do të mbahet në dhetor 2010 do të jetë një dështim i plotë.

Nuk mund të lë pa përmendur « historinë » e gripit H1N1 për të cilin u politikanë të të gjitha niveleve et të gjitha shteteve në botë, për një epidemi më tepër hipotetike kurse asesi nuk mund të lëvizin një hap më serioz në parandalimin e ndotjes së natyrës dhe kështu parandalimin e rritjes së temperaturës në botë. Nga kjo vijmë në konkludim se njeriu duket se shum pak kujdeset për mesin natyror e kjo, do të shpaguhet në ndonjë mënyrë. Natyra nuk është më në gjendje t’i përballoj dorët e njeriut që e ndyjnë në çdo hap. Pasojat kemi filluar t’i ndjejmë viteve të fundit dhe pa një mobilizim të sinqert nga të gjitha palët, nuk do të ketë dalje nga katastrofat që kërcënojnë të jenë gjithëmonë më të egra e më shkatrimtare.