Letërsi

Laureta Miftari:

Lidhje të jashtëme:

●Shah - Chess
●Cartoon
●Le Blog de Nicole.K

Fjala filozofi  (Φιλοσοφία) vjen nga greqishtja e vjetër dhe është e përbërë nga φιλεîν, "dashuri" dhe σοφία, "dituri, njohuri", që do të thotë në përtkthim fjalë për fjalë: dashuri ndaj (për) mençurisë."

Ndryshe nga shkencat natyrore, shkencat egzakte dhe humane, me të cilat është e lidhur ngushtë në historinë e saj, filozofia nuk jepet pas studimit të një objekti të veçantë e unik. Ajo ka, zona ose sektorë të veçantë të studimit, si logjikën, etikën, metafizikën, filozofinë politike dhe teorinë e njohurive. Degëve bazë të filozofisë përgjatë historisë, i janë bashkuar disiplina të tjera, si estetika, filozofia e ligjit, filozofia e shkencës (e njohur edhe si epistemologji), filozofia e spiritualitetit, antropologjisë filozofike, si dhe filozofia e gjuhës.

Pasi filozofinë e ndajmë në lëmi që dashuron diturinë e që nëpërmjet diturisë përkon dhe hulumton të vërtetën, pa anim dhe tendencë për të vërtetë absolute e cila praktikisht në jetën reale nuk egziston, do të ndalem në disa pika të shkurta, pikërisht mbi njohuritë dhe kuptimin ndaj të vërtetës.

• Filozofë e dijetarë të ndryshëm, njerëz të rendomtë, dijnë se ç’është e vërteta dhe mbështesin një tezë në themele të asaj që e shohin të saktë e të vërtetë. Por pikëpamje të kundërta dhe fakte të tjera a nuk  e vëndojnë në dyshim këtë të vërtetë evidente duke dhënë një të vërtetë tjetër mbi një të vertetë paraprake? Pikëpamjet a nuk devijojnë poashtu nga një e vërtetë e përbashkët ?
• Unë them (gjithëmonë duke patur parasyshë se mund të gaboj), se e vërtata e vërtetë nuk egziston. Ajo qëndron e hapur në të gjitha kahjet dhe është e ndryshme nga horizontet dhe këndet (pse jo edhe kampet) ku unë jam i përqëndruar.
• Filozofia është art i meditimit, aftësi për hulumtime të nevojshme drejt arritjes së mënyrave sa më efikase për një jetë të lumtur. Art i të menduarit të qetë që garanton mundësitë për një jetë të hareshme duke kërkuar në të të vërtetën e vlerave mirëqenëse dhe jo të vërtetën absolute e cila nuk egziston përveç se në kapitujt e pikëpamjeve të mbyllura që nuk kanë të bëjnë me një meditim të çliruar nga kaptinat dogmatike të kohës dhe të kohërave.
• Mendoj se më e rëndësishmja e filozofisë nuk qëndron as në interesat e arritjes së qëllimeve të njohjes së saj, as në rëndësinë e saj që i japim ose jo si lëmi. Ajo është e dobishme në plan të parë se na bënë të mundshme të ruajmë gatishmërinë për të jetuar me bujari dhe të pamposhtur e sidomos na mëson si ta çojmë jetën dhe si ta përfundojmë atë në kushte sa më të mira, ditëve kur na afrohet fundi i saj.