rml: Bërja e kallzimit për dhunë seksuale është vlerë jo turp

Heshtja shurdhuese, më shurdhuese se decibelat e pafundmë është mësheftësia që ruan personi që përjetoi një dhunim, tentim dhunimi dhe momente të tjera që lidhen me këtë dukuri të rëndë të lindur që nga kohërat më të lashta e sot. Në ditët tona, ky fenomen duket të ketë marrë përmasa më të gjëra nga shkaqe të ndryshme shoqërore si që janë ngarkesat profesionale, animet nga kariera dhe shum shkaqe të tjera që largojnë nga partëneri por edhe krijimi i monopoleve financiare dhe pushtetare nxisin ndjenjën e madhësisë se paprekshme e me këtë, personë të këtyre gjendjeve i lejojnë vetes « luksin » drejt dhunimit, që në këtë shkrim si që edhe nënkuptohet nga rreshtat e kaluar, është ai seksual.

Ngjarjet e kohëve të fundit në botë që përmbytën mediat, bënë që të rritet dukshëm numri i kallzimeve të femrave që pësuan dhe pësojnë dhunim(e) dhe ngacmime shqetësuese dhe nënçmuese të pandërprera në punë, në familje, në kuart dhe vende të tjera të pashmangshme lehtë. Duket se reagimi i patundshmëm i organeve policore dhe të drejtësisë amerikane në rastin e Kryetarit të Fondit Monetar Botëror DSK-it, mundësoi femrës të merr guxim dhe të shpalos e bëj kallzim në polici ose pranë ndonjë shoqate për mbrojtje të femrës, duke gjetur kështu mbeshtetje morale dhe besim në një drejtësi të barabartë për të gjithë.

Sa i përket marrjes parasyshë së pafajsisë ndaj të kallzuarit, duhet të vlerosohet në të njëjtën mënyrë edhe kallzuesi, gjegjësisht personi që bën kallzimin të trajtohet si person i dëmtuar gjer në provë të kundërt. Kjo është një ndër elementet kryesore gjatë hetimeve dhe sidomos gjatë procesit gjygjësor. Në këtë mënyrë, zhvillimi i hetimeve dhe procesi në fjalë arrin nivel të drejt dhe të paanshëm për të dy palët. Me këtë sigurohet mbrojtja e moralit të femrës (më rrallë edhe e mashkullit) dhe fëmijëve të dhunuar.

Për të qenë një proces i drejtë gjer në fund, duhet shkurtuar kohëzgjatja e tij gjer në kufijtë maksimalë. Kjo nga shkaku se numri i përgjithëshëm i viktimivave kanë për qëllim dhe tentojnë me forcat e tëra psiqike të largohen nga kujtesa e egërsive të përjetuara. Shoqëria e sotme, ligjëshmëria sotme nëse vazhdojnë të zgjidhin këto çorodi jonjerëzore të dënueshme në tërë botën me hapa kërmillore, viktimat do të ngujohen akoma më tutje në lëkurë të veten, pa patur guximin të bëjnë kallzim e me këtë, në pikë të parë lejojmë që femra, nëna e njerëzimit, të vuan shpirtërisht ; gjegjësisht të jeton e sëmurë në zemër dhe në sedër…

Përpos kësaj, në botë mbisondojnë akoma paragjykime negative shkatërruese ndaj të dhunuarve. Kam këtu parasyshë studimet e ndryshme perëndimore sipas të cilave 80% (1) të dhunimeve kryhen nga një person i afërm, e kjo akoma rëndon « turpin » e të dhunuarës (dhunuarit). Mbrojtja e tërë familjes nga përfolja dhe degradimi bie mbi personin edhunuar nga i cili kërkohet heshtja pa kusht. në këtë mënyrë veprimi, të gjithë gati papërjashtim, për të mbrojtur njëçfarë ndere dhe krenarije familjare, hidhen me dashje e pa dashje në mbrojtjen e dhunuesit duke u shndërruar në sulmues të tërbuar ndaj kallzueses (kallzuesit). Kjo gjatë tërë kohës ka dëmtuar rëndë shpirtërisht viktimën kurse dhunuesit ia ka ngritur guximin për akte të reja të poshtërsive të vjetra.

Dhunimi nuk nënkupton vetëm aktin seksual të kryer. Dihet se shum femra dhe personë të tjerë, lëshojnë pè para kërcnimeve vetëm nga frika e pamposhtur nga turpi se po përhapet ngjarja që do të sjellë pasoja të papërmirsueshme për te dhe për familjen, nga frika e humbjes së punës për arsye të paqarta e kështu varg. Në këto rrethana, lëshimi pè pra, nuk është dhe nuk mund e nuk duhet assesi të konsiderohet si akt me pëlqim o me dëshirë. Këto janë dhunime perfide me përdorim të pushtetit hierarqik, ekonomik ose favor rrethanash dhe andaj duhet gjithashtu bërë kallzim dhe shpërdoruesi duhet ndjekur nga ligji përkatës si për dhunim, të them, të drejtpërdrejt.

Kur flas për dëmin psiqik, do të them këtu se çdo qepje seksuale që nuk pëlqehet dhe vihet në dije mosaprovimi nga ana personit të ndjekur duhet të dënohet si agresion. Në këtë mënyrë, në rradhë të parë arrimë në parandalimin e shum rasteve dhe mbrojmë pra, personat e ekspozuar situatave jashtëzakonisht të dëmshme për shëndetin psiqik së pari e mandej edhe atij fizik.

Shpresoj se viktimat e cilës do moshë e gjini, do të gjejnë forca dhe mbrojtje adekuate shoqërore dhe ligjore që të bëjnë kallzimin ose së paku të ju drejtohen shoqatave për mbrojtjen e viktimave të dhunës seksuale kështuqë, me një përmbajtje adekuate do të tejkalojnë më lehtë dhimbjen që bartin dhe njëherit do të shpëtojnë numër të konsiderueshëm njerëzish që për shkaqe të ndryshme janë të ekspozuar dorës dhe fuqisë jonjerëzore të x « njerëzve ». Këta IKSA do të kenë me siguri më pak guxim dhe « burrëri » të ngacmojnë e dhunojnë më të dobtit kur të dijnë se i pret dënimi i merituar.

(1) CFCV – Collectif Féministe Contre le Viol

Horoskopi javor Kalendari historik
--------------------------------
Shkrimtarë bashkëkoh. shq.

● Abdylazis Islami
● Albina Idrizi
● Ali Daci
● Ali Podrimja
● Arif Molliqi
● Azem Shkreli
● Baki Ymeri
● Bedri Dedja
● Besnik Camaj
● Bessa Myftiu
● Brahim Avdyli
● Bujar Plloshtani
● Bujar Rama
● Demir Krasniqi
● Dh. Pojanaku
● Din Mehmeti
● Esad Mekuli
● Hajdar Salihu
● Haxhi Kraki
● Hysen Këqiku
● Ibrahim Ibishi
● Ibrahim Kadriu
● Ibraim Qazimi
● Imri Trena
● Ismet Rashiti
● Jeton Kelmendi
● Kalosh Çeliku
● Kujtim Morina
● Linditë Ramushi
● Majlinda Rama
● Mirela Sula
● M. Blakaj
● Naim Kelmendi
● Nermin Vlora-F
● Nexhat Rexha
● Pal Sokoli
● Rizah Sheqiri
● Sabit Rrustemi
● Sadik Krasniqi
● Sevdije Rexhepi
● Seveme Fetiqi
● Sinan Sadiku
● Shaban Cakolli
● Shefqet Dibrani
● Sulejman Mato
● Vasil Tabaku
● Vilhelme Vranari

Shkrimtarë
shq. - gjysma e parë e shek. XX

●Ali Asllani
●Ernest Koliqi
●Faik Konica
●Fan S.Noli
●Gjergj Fishta
●L. Poradeci
●Migjeni
●Sterjo Spasse

Rilindasit

●Asdreni
●Filip Shiroka
●J. De Rada
●Naim Frashëri
● Ndre Mjeda
● Sami Frashëri

Bejtexhinjt

●H. Z. Kamberi
●Muhamet Çami
● Nezim Frakulla ●Selejman Naibi
●Tahir Ef. Lluka

Shkrimet e para të gjuhës shqipe

●Gjon Buzuku

| Portali i citateve | Citate sipas autorëve |