Filozofi
     dhe
letërsi

__histori kombëtare, vështrime, debat__

 

 
Poezi -  <1 - 2 - 3

 

Pesë poezi nga libri “Stoli në parkun e vjetër”
 
të poetit Adem Zaplluzha
C:\Users\Adem Zaplluzha\Desktop\Adem-Zaplluzha.png

 

 

NËN QEPARISAT E LAGJES



 

Si avullin e kafenesë

Mund të më deh kjo gotë

Por në brendinë time

Nuk jam më unë


 

Sa njerëz hynë dhe dalin

Nga këto porta

Ajri nuk trulloset si at ditë

Kur e pamë eklipsin


 

Vinin pas meje

Edhe të panjohurit e mi

Dhe dilnin nga unë

Si avulli nga thellësia e tokës


 

Mund të marrë frymë si peshku

Nuk ka rëndësi të madhe

Nëse pështynë në lumë

Uji nuk dehet askurrë


 

Këto ethe të xhunglave

Qenkan fortë të zeza

Nën qiparisat e lagjes tonë

Ka hije edhe për të dehurit



 

SOT DISI



 

Ishim në moshë

Kur mund t’i ndiznim lisat

Qiparisave u jepnim ujë të kulluar

Dhe këndonim himnin e dashurisë


 

Nuk patëm fjetur disa ditë

Deri sa u takuam me mesnatën

Hënën e zbritëm në fshatin tonë

Dhe i mëkoi e meteorët e uritur


 

Më besoni askujt nuk ja vëmë veshin

Rrugëtonim drejtë si derri i egër

Qëllimin e dinim

Sepse për çdo net ‘i trokitnim portat


 

As që i gjenim të mbyllura

Ato hapeshin posa i dëgjonin trokëllimat

Na pritnin te pragu zanat e malit

Me nga një tufë luleshqerre


 

Sot disi kanë ndryshuar kohërat

Ose jemi plakur ne

Ose shirat ndryshuan itinerarin

Asnjë trokëllimë te dyert

As një pikë ujë sa për t’i lagur buzët     



 

KUSH JE TI


 

Kush je ti

moj mikeshë e re

Je grua

Që doli nga mëkati i mollës

Apo engjëllushja prej balte


 

Në këtë natë

Sa bukur qeshin meteorët

Kur në gjoksin e plagosur të hënës

Vezullojë qeshjet

E yjeve të kristalta


 

Ti edhe e përgjumur

Nën degët e mollës

I  kreh flokët e përhitjes

Pastaj kërkove nga ngjyra e gështenjës

Fjalët e pjekura

Bashkë me shtambat e poçarit


 

Sa qenkan të ngrohta

Mermerët e këtyre varreve

Të lutem më trego

Se si rriten lulet

Në kujtesën e arkivolit



 

2.




 

Kush je ti

Që i zgjatë duart

Kah gjoksi i acartë i dimrit

Dhe i arnon me mjeshtri

Këmishët e shqyera të kësaj errësire


 

Kush je ti e dashura grua

Që aq vrazhdë i përqesh lisat

Kur shkundin

Gjethet jeshile të rruzareve


 

kush je ti

që në këtë sterrë pa jetë

Në sqepat e ngrira të zogjve

I ngjallë lulet


 

Kush je ti




 

NËSE NUK DIMË ASGJË TJETËR



 

Sa herë që dëgjohen zërat

E vetëdijes

Ne i heqim maskat

Dhe lindim brenda ditës

Me disa lloje emrash


 

Fshihemi diku pas kujtesës

Dhe pa kurrfarë keqardhjeje

E ndërrojmë gjininë

Duke huazuar çdo lloj emrash
I përngjajmë hijeve


 

Nëse na pengon mbiemri

Veshim një kostum blu

Që t’i mos i përngjajmë vdekjes

pastaj

Kur fillojnë të zhvishen gjethet

I lajmë sytë

Me mëkatin e trishtimit


 

Këndojmë vertikalisht

Herë bëhemi mbretër

E herë vrasës

Të nesërmen

Mbretëresha abdikon

Pasi që dhëndri del eunuk




 

2.



 

Vrapojmë përpara hijes së thyer

Kur na lakohen këmbët në ujë

I akuzojmë jashtëtokësorët

Në paaftësinë tonë

Përherë e gjejmë

Fajtorin kujdestarë


 

Nëse nuk dimë asgjë tjetër

Jemi mjeshtër të përsosur

Për ndërrimin e emrave

Dhe të kapelave




 

V E T M I A



 

Kjo vetmi mbi këtë kërcu

Rri si një zogu i lagur në shi

Diku ngroh dielli

E diku acari bënë kërdi
 

Ajo fytyrë e zvetënuar

Me një pamja të hirtë

Zbret mëhallës duke u zvarritur

Si shtëllunga e plumbtë


 

Mëngjesi i grunjtë

I kreh flokët në thellësinë e pasqyrës

Amalgama  i zgërdhihet

Rrudhave të thella të fytyrës


 

Kjo vetmi e acartë

Sa keq m’i ka mërdhirë

Thonjtë e mpirë

Dita ecën mes mjegullave

Dhe kalëron jetën e ngrirë

Filozofi
 
dhe
letërsi
 

 

 

 

 

 

 

 

 

 

 

 

 

 

 

 

 

histori
tradita
vështrime
debat

 

 

 

 

 

 

 

 

 

 

 

 

 

 

 

 

 

citate
intervista
letra hapura
botime reja
 

 

 

 

 

 

 

 

 

 


     
     

 

     
Filozofi
         dhe letërsi

|Citate dhe proverba| |Citate sipas autorëve|

|Altruizmi-Egoizmi| |Arsimimi| |Art-Dhunti| |Besimi| |Dashuria| |Dashuria (II)| |Dashuria (III)| |Dashuria (IV)| |Dituria| |Drejtësia| |Edukata| |Ëndërrat| |Fëmijët| |Filozofia| |Fjalëbutësia| |Frymëzimi| |Gruaja| |Humori| |Imagjinata| |Inteligjenca| |Jeta| |Lakmia| |Lotët| |Lumturia| |Mali| |Mëdyshja| |Miqësia| |Mosha| |Motivimi| |Muzika| |Natyra| |Ndryshimi| |Nga-fëmijët| |Nga-Vizitorët| |Optimizmi| |Paqa| |Paragjykimi| |Qesëndi| |Rrena| |Skamja| |Vetitë| |Vjedhja| |Xhelozia| |Të-pandara|

 
____histori kombëtare, vështrime, debat, politikë, letra të hapura____ © Të gjitha të drejtat e rezervuara.
Copyright © 2007 [ http:// www. filolet.com ] Tous droits réservés.
Révision : 28 nov. 2012 14:06:32 +0100 .