MBETI
DALLKAUK
Del e na
thotë dy a tri fjalë
Pa lezet
e fare pa kripë
Pastaj
shet mend në kodër e në mal
Ky burrë
i mençur baci Dalip
Nuk shet
djathë ajran as gjizë
Merret
troç me politikë
Për lakra
speca e oriz
Nuk ka
haber ky stramastikë
I çon
hundët si dhia e hallës
Shumë po
krekoset ky analist
Na u bë
gazi i mëhallës
Duk
shkelmuar si mushka në pistë
Me fjalë
boshe e shumë bajate
Ndalet
shpesh në nallbanhane
Paramendon se jeton në
pallate
Dhe
përfundon në ndonjë mejhane
Dikur
vonë kur i del gjumi
I frynë
buzët si tarçuk
Se ç’ja
mori famën lumi
Me
tarafet e vet këtë dallkauk
TË
PALLËSH SI GOMAR
Analistët
e sotëm na i lashtë Zoti
Kundërshtojnë bashkimin
kombëtar
Kështu
s’ka qenë as dje as moti
Me pallë
nëpër qoshe si një gomar
Si pelat
e sëmura qesin shkelma
Kur iu
bitisen fjalët thonë OK-ej
Këta
bashibozukë turri mjellma
Përherë
pajtohen si të ishin lakej
Mor ju
analistë jeni jashtë loje
Gabimisht
gjendeni në vend të gabuar
Nuk
fluturon më bleta nëpër hoje
Që janë
thurur në shekullin e kaluar
Lëreni
këto broçkulla uluni në
minder
Tregoni
përralla nipave tuaj
Nëse doni
të jetoni këtu me nder
Në mulli
të armikut mos çoni ujë
MOS IA
KTHE SHPINËN ATDHEUT
Ndalu bre
burrë po ta zgjas dorën
Për një lakër mos e harro
Kosovën
Se pasha
besën e pasha një Zot
Me ty
luan baci si qeni me zorrën
Po kush
djalli mendon se je
Këto
mbrapshtia që po i punon
A di bre
burrë se ka hoxhë ndër ne
Që ty
aminin për së gjalli ta
këndon
Bëni
hyzmet vetes or kallajxhi
Mos ia
shit thekrën atdheut
Se në
vend të bukës të ngopin
Me tagji
Nipat e
mbesa e Skënderbeut
E di
ngjarjen e Esat Toptanit
Që ia
mbathën patkonjtë në Paris
Ka ende
djem që për nder ta vatanit
Ta ngopin
stomakun me oriz
Ndalu një
çik merre veten me të mirë
Kjo dynja
s’i mbeti as Baba Mbretit
Si punon
ti kështu me dëshirë
Në dëm të
pites e peksimetit
PJESA E
LOJËS
Ndalu
njëherë mor qafir
Mos na
përdor sipas nevojës
Nuk jemi
na prezervativ
As pjesa
e ndyrë e paralojës
Votat
tona s’janë bishti i pelës
Me na sha
sa herë që e kalon Drinin
A di çka
premtove te Lama e Xhelës
Në qiell
e çove Perëndimin
Kulla
gënjeshtrash na ndërtove
Kinse do
të jetojmë
Si veshka
në dhjam
Por shumë
shpejtë burrë harrove
Me votat
tona bëre bajram
Mos harro
çka na premtove
Ti mor
dhelpër dilënxhi
Herën
tjetër ta tregojmë qejfin
S’të del
më puna birinxhi
Sjelljet
tua të kodoshllëkut
Na tani
t’i kontrollojmë
Të del
boja e maskarallëkut
Kur një
nga një t’i numërojmë
Na
mashtrove me fjalë boshe
Rrenat të
dolën lakuriqe në lëndinë
Tani po
ikën nëpër qoshe
Ne e dimë
se ku e ke selinë
Kjo
pafytyrësi shpejt kalon
Mbase na
vijnë ditët më të mira
Por për
ty më askush nuk voton
Se na
ngope me punë të pamira
DUKE
GJETUR BEJHANE
Çfarë ju
ndodhi kështu o milet
Ç’është
kjo mesele e pis’hane
Për disa
kakërdhia ziheni si qentë
E
zgjebosur në kasaphane
Miku
tashmë nuk e njeh mikun
Vëngër
shikon drejt në sy
Sikurse
do me pa armikun
E me
mbyllë në shtatë dry
Çka na
bënë këto partitë tona
Për së
koti ne u grindëm
Pa
dëgjoni Kadri Dudën
Në sy të
mikut kërkon Judën
2
Na kaluan
ca kohë të vështira
Moti nuk
kam dalë në mejhane
Si plakat
e liga po zihen ca burra
Për çdo
parti gjejnë behane
Çfarë
jemi ne është politika
Po na
udhëheqin fëmijët tanë
Ata s’po
lozin lojëra të imta
As prej
dynjasë tjetër s’ranë
Ose ne i
përngjajmë politikës
Kurrë nuk
patëm mendje të shëndosh
Kaluam
sërish nëpër tehu e thikës
Duke
mbushur ujë me shoshë
Mos jemi
ne fajtorët kryesorë
Që na
bëjnë lojë e na vënë në
gjumë
Ose
llomotisim
Si
dhelprat në dëborë
Andaj as
ne s’meritojmë
Diçka më
shumë
