Filozofi
     dhe
letërsi

__histori kombëtare, vështrime, debat__

 

 

 

 

 

Poezi/Prozë - Satirë

Delepuroshja

Shkruan:

rm Laçi

 
 

Kish lind për qengj para dhjetëra vitesh, e kishte pjellë natën njëra nga delet e gërxhafta. Mirëpo ky maluk, kish edhe shumë do tipare të mëdha lepuroshje. Menduan se i vogël përngjan i tillë e duke u rritur, do t’i marrë tiparet gjenetike adekuate. Mirëpo qengji nuk rritej ose rritej me trup por nuk shtonte nga mëndja. E sa për tiparet adekuate, i kishte por nuk kuptohej akoma ngatërresa.

Kur shkoi në klasë të parë, mësuesi e pyeti për emër e mbiemër… Emrin e tha disi por për mbiemër se ç’e shtyri e tha: “Belepurka”, mandej e përmirësoi, “Delepurka, m’sus, Delepurka.”

Në të gjitha dokumentet i shkruhet ky mbiemër për gjatë shumë viteve, gjer sa erdh dita e demokracive anëve të Ballkanit. Atëherë dikush u tall me të, por duke ia shtuar një aspirinë helmuese edhe pse helmet nuk ia prishnin fort stomakun e dosës që e kish ky i ashtumenduar qengj por që në të vërtetë, nëna e vet një dele e ngratë, kishte ra pre e një lepuroshi, në ahurin e vogël në të cilin hyri ky lepurosh për të vjedhur pak ushqim, dhe e ngjizi delen… Po, po, u ngjiz me lepur edhe atë nga ato veshë gjethëlakrre..! Kështu lepur e dele nxorën në botë një kafshë me karakter e zorrë dose. Mandej si që përmenda më parë, me dukjen e një lloj demokracie, ky mahlukat i pagoi do harxhime të deturueshme dhe ndërroi mbiemrin sepse gjithë jetën talleshin me të për që kishte mbiemër jo vetëm të çuditshëm por edhe femëror. Do “ecte” ndoshta pak sikur të quhej Delepurku por..., Delepërka… E pamundur të vazhdonte kështu e pra ndërroi mbiemrin në Delepurko. E pyetën, ca nga kureshtja, ca nga habia se pse Delepurko e jo bile Delepurku, u përgjigj me inteligjencën e tij prej dose:

-        Jo se perëndimorët do më thuan “Delepur-ky” kurse kështu do më thuan “zotëri Del(e)porko” demek ngjan pak si “capo”, apo si ndonjë borgjez i rëndë, a po m’kuptoni hehehe!

Dhe ky mahlukat, vazhdoi rritjen me shtat duke ngelur gjithnjë me tru dose dhe andaj, punë, gjeste, sjellje i kishte të tilla. Pa shokë të përhershëm, pa miq të përhershëm pa ideale të përhershme. Në të vërtetë, ideal kishte të arrin rekordin me sahanë të lëpirë. Lëpinte edhe do alete të padronëve por edhe të gjithë burrave vetëm sa për t’u dukur disi se është dikush. Kish edhe tipare qeni langosh, nga që i ngjitej me çdo kusht njerëzve të cilët i dukeshin pak të mëdhenj. Nuk kishte lidhje as për moral as për politikë as për fe e komb. Normal se i ngjizur nga një bashkim i pa sens, nuk mund të dilte tjetër përpos ky që ishte.

Edhe sot e kësaj dite do sharlatanë që Deleporkos i duken të rëndësishëm, e ngarkojnë me detyra hangari e ky si dosa me krye në jashtëqitje, s’e ndal hovin për t’u dukur i rëndësishëm.

Kur dikush nuk ia var veshin, hangariaxhiu iu rreket mesazheve me celular. Eh, ka nevojë t’i plotësoj vrimat e megalomanisë së unit të stërshitur e të shpërfytyruar që rrënjët i kishte ndoshta edhe para ngjizjes! Nuk dihet, disa herë jo vetëm tiparet fizike por edhe ato shpirtërore përcillen gjenetikisht. Mos të flasim për edukatë familjare se bisedohet këtu për hibrid kafshësh.

“Ani”, thanë do burra të urtë kur dëgjuan se dosa u shit edhe një herë , “jepni udhë se kjo ndoshta ia zbut pak komplekset e shpirtit hermafrodit.”

 

 


Filozofi
 
dhe
letërsi

 

histori
tradita
vështrime
debat

 


citate
intervista
letra hapura
botime reja

 

 
 

     
Filozofi
         dhe letërsi

|Citate dhe proverba| |Citate sipas autorëve|

|Altruizmi-Egoizmi| |Arsimimi| |Art-Dhunti| |Besimi| |Dashuria| |Dashuria (II)| |Dashuria (III)| |Dashuria (IV)| |Dituria| |Drejtësia| |Edukata| |Ëndërrat| |Fëmijët| |Filozofia| |Fjalëbutësia| |Frymëzimi| |Gruaja| |Humori| |Imagjinata| |Inteligjenca| |Jeta| |Lakmia| |Lotët| |Lumturia| |Mali| |Mëdyshja| |Miqësia| |Mosha| |Motivimi| |Muzika| |Natyra| |Ndryshimi| |Nga-fëmijët| |Nga-Vizitorët| |Optimizmi| |Paqa| |Paragjykimi| |Qesëndi| |Rrena| |Skamja| |Vetitë| |Vjedhja| |Xhelozia| |Të-pandara|

 
____histori kombëtare, vështrime, debat, politikë, letra të hapura____ © Të gjitha të drejtat e rezervuara.
Copyright © 2007 [ http:// www. filolet.com ] Tous droits réservés.
Révision : 28 nov. 2012 14:06:32 +0100 .