rmt                                                                                                                                                                                                                        

Filozofi

Letërsi

Krijimtari

Poetë të rinj

Gojëdhana

Shqyrtime

Lojëra flash

Kush jemi

Ballina

Shkrimtarë Shqiptarë

Histori Kombëtare

Rilindja

Letërsia Bejtexhiane

Shkrimtarë të huaj 

Nobelistët

Foilozofët Anglofonë

Filozofët Arabë

Filozofët e Lindjes

Filozofët Frankofonë

Filozofët Gjermanofonë

Filozofët Grekë

Filozofët Romakë

Sofizmi

Stoicizmi

Fjalor

Portrete të dalluara

Promovime, Përkujtime

Arkivi

Lasgush Poradeci, poet dhe shkrimtar shqiptar (emri i vërtetë Llazar Sotir Gusho), lindi më 27 dhjetor të vitit 1899 në Pogradec të Shqipërisë dhe u nda nga ne më 12 nëntor të vitit 1987.

Ishte bir i prindërve arsimdashës kështuqë, pas mbarimit të shkollës fillore, e dërguan të vazhdoj mësimet në Manastir, pranë Liceut Rumun por kjo shkollë u mbyll në fillim të Luftës së Parë Botërore. Në këto kushte ai u këthye në vendlindje nga ku babai i vet e dërgoi në Liceun Francez në Athinë. Fati nuk e dashi as këtu, ai u sëmua nga mushkëritë dhe ndërpreu rishtazi mësimet dhe ndenji dy vjet për shërim në sanatoriumuin Sotiria. Më në fund u largua për në Bukuresht ku u njoh me patriotë shqiptarë dhe ku punoi e studjoi. Këtu edhe muar diplomën e kryerjes së bakaloreatës (Bacalaurat) në Silistra. Nga këtu shkoi në Graz të Austrisë ku diplomoi në Univerzitetin Karol Francik.

Në lëminë poetike, Lasgushi është liriku më i shquar shqiptar dhe romantiku i fundit i letërsisë sonë. Vëllimin e parë e botoi më 1933 me titullin Vallja e yjeve, kurse më 1937 doli nga shtypi vëllimi dytë -Ylli i zemrës.

Pas Luftës së Dytë Botërore, vazhdoi me poezi por një pjesë të madhe të kujdesit tani ia ndau përkthimit. Përktheu Eugjen Onjeginin e Pushkinit, Lermontovin, Majakovskin Hajnesin Bllokun Geten Hugon Bayronin e shumë të tjerë.

Pasuro këtë artikull

ZEMRA

Bëj e ri mendohem,
Të mos t'afërohem,
Bën e ri mendohesh
Të mos m'afërohesh.

Dhe ri bëj e bëjnë
Mos të shkoj andejnë,
Dhe ri e bën bejnë
Mos të shkosh këtejnë.

Ha! tek bëj kështuzë,
Hop! të shoh këtuzë!
Ha! tek bën ashtuzë,
Hop! buzë-për-buzë.

Pa me puth një herë,
Pa të puth dy herë,
Pa më puth tri herë,
Të puth tridhjet herë,

Uf! moj zemrë-e mjerë...

Zemër-lule-e-verë,
Gas-e-vrer-përherë,
Zemër-kopsht-me-erë,
Zemëra-skëtere.

DËGJIMI I ZEMRËS

Kur të më kujtosh,
Kur të vish të shkosh,
Kur të shkosh këtejza pranë
Që të çmallërosh

Ç'po dëgjon kur shkon?
Kur vjen e përgjon?
Ç'përgjon zemra në kët'anë
Fund në këtë hon?

Zemra jote sot,
Zemra jote mot,
sot e mot në ç'mallërime
Zemra që s'fle dot

Seç të ndjen këtaj,
Seç të ndjen pastaj,
Seç dëgjon ndaj vetes s'ime
(Si ndaj vet'e saj):

Mall e vrer që mbaj
Qaj, moj zemër, qaj.

Vrer e mall që flas
Plas, moj zemër, plas.

Posto poezi të këtij autori

MALLI

Syri-i bukur që t'u mvrenjt -
Syri yt që më lëndon
Do më lerë-a von a shpejt,
Do më lerë-a shpejt a von.

Sapo shpirti m'u delir -
Shpirti im i nxirë krejt -
Do më lerë me pahir
Syri-i bukur që t'u mvrenjt.

E do mbetem përnjëmend
Varfanjak si mbret pa fron:
Mbretëresha që më çmend
Do me lerë-a shpejt a von.

Do me lerë-a von a shpejt,
Do me lerë-a shpejt a von,
Syri i bukur që t'u mvrenjt -
Syri yt që më lëndon.

Do më lerë...A! po si -
Qoftë-aherë-ose tani -
Do të qaj aq dashuri
Që të humb me mall te ti?

PËRSE TË DUA

Se të desha vetë,
Dhe t'u nqasa vetë,
Dhe të putha vetë-

Prandaj.
Dhe të humba largë,
Dhe të ndoqa largë,
Dhe të gjeta largë-
Prandaj.

Se të desha prapë,
Dhe t'u nqasa prapë,
Dhe të putha prapë-
Prandaj.

Dhe të humba vashë,
Dhe të ndoqa vashë,
Dhe s'të gjeta vashë-
Prandaj.

Se të gjeta grua,
Dhe të desha grua,
Dhe të putha grua-
Prandaj.

Dhe s'më flet përhera,
Dhe s'më nqas përhera,
Dhe më plas përhera-
Prandaj.

O, prandaj të dua,
Prandaj vashë-e grua,
Fshehtësi për mua-
Prandaj.

Horoskopi javor Kalendari historik
--------------------------------
Shkrimtarë bashkëkoh.  shq.

● Abdylazis Islami
● Ali Daci
● Ali Podrimja
● Arif Molliqi
● Azem Shkreli
● Bedri Dedja
● Besnik Camaj
● Bessa Myftiu
● Brahim Avdyli
● Bujar Plloshtani
● Bujar Rama
● Dh. Pojanaku
● Din Mehmeti
● Esad Mekuli
● Jeton Kelmendi
● Hajdar Salihu
● Haxhi Kraki
● Ibrahim Kadriu
● Ismet Rashiti
● Kalosh Çeliku
● Kujtim Morina
● Majlinda Rama
● Mirela Sula
● M. Blakaj
● Naim Kelmendi
● Nermin Vlora-F
● Pal Sokoli
● Sadik Krasniqi
● Sevdije Rexhepi
● Seveme Fetiqi
● Shefqet Dibrani
● Sulejman Mato
● Vasil Tabaku
● Vilhelme Vranari

Shkrimtarë 
shq. - gjysma e parë e shek. XX

●Ali Asllani
●Ernest Koliqi
●Faik Konica  
●Fan S.Noli   
●Gjergj Fishta 
●L. Poradeci
●Migjeni
●Sterjo Spasse

Rilindasit

●Asdreni 
●Filip Shiroka
●J. De Rada
●Naim Frashëri  
● Ndre Mjeda   
● Sami Frashëri

Bejtexhinjt 

●H. Z. Kamberi  
●Muhamet Çami   
● Nezim Frakulla   ●Selejman Naibi
●Tahir Ef. Lluka

Shkrimet e para të gjuhës shqipe 

●Gjon Buzuku