FILOLET

Filolet mbahet nga personat e përmendur sipër pa përfitime materiale: Në faqet e veta nuk pranon të shpall asnjë lloj reklame dhe të gjitha harxhimet mbulohen nga ana e stafit.

Forumi i Filoletit është "Kuvendi". Aty kanë hyrje të gjithë vizitorët por të drejtë intervenimi me shkrim kanë vetëm ata që anëtarsohen.

Të gjitha shkrimet e marruna me e-mail, kontrollohen e një numër tyresh shpallen vetëm pas lejes nga ana e kryepërgjegjësit.

Asnjë spjegim a arsyetim nuk dërgohet për materialet e papublikuara.

Autorët mbrojnë vet të drejtat e tyre autoriale të mëtutjeshme. Filolet ka mbulesë dhe mbrojtje juridike por nuk merret me padi as për shkrimet redakcionale e as për shkrimet e bashkëpunëtorëve nga jashtë. Mbrjojta nga plagiatorët dhe "kopjo-ngjitësit" i është lënë në dorë ndërgjegjes së "dorasve" e sidomos në dorë të mjekësisë e cila pohon se KLEPTOMANIA shërohet, andaj Rroftë mjekësia. Nëse një bashkëpunëtor i yni don të ngrej padi për plagiat kundër një personi fizik ose tjetër, Filolet është i gatshëm të ofroj provat e duhura për shkrimin në fjalë (psh. data e postimit dhe e publikimit etj).

Filolet, me punë në një kohëzgjatje të konsiderueshme ka ngritur Faqen dygjuhëshe Fitore.net ku në formë të chatit mund të fitohen njohuri të mëdha të përgjithëshme duke luajtur e argëtuar në "quizz"-in (#sh-quizz) që përbën  mijëra pyetje e që freskohen çdo ditë dhe në lojën "scrabble" ku gjinden mbi njëqind mijë fjalë të cilat lojtarët i gjejnë nga germat e dhëna në sallonin #sh-scrabble.