---------------------------------------------------------------------------------------------------------------------

                                                                                                                       P r o p o z i m

Projekti: Komuna MALËSIA / T u z                          

Takimi i përfaqësuesve të Diasporës së Malësisë në SHBA

–  Këshillit për organizim –

                                                                                                 D e t r o i t – N e w  Y o r k

Të nderuem bashkëvëndas,
 

Me rastin e takimit të ardhshëm të përafqësusve të Diasporës së Malësisë në SHBA po ua percjellim për informim dhe veprim aktet vijuese: 

 
            –    Kërkesë e Përbashkët e 18 organizatave Qeveritare e  Jo-Qeveritare për    
                 themelimin e Komunës MALËSIA / Tuz, dorëzue Qeverisë së Mali të Zi,
                 me 16 Gusht 2002;

–        Kërkesën USAID-it, për vazhdimin e partenrsisë me në Projektin Formimi i   
Komunës MALËSIA / Tuz;

–    Kërkesën Ministrisë së punëve të jashtme dhe integrimeve europiane të Malit  
      të Zi, për themelimin e Komunës MALËSIA / Tuz;

–        Shkresat Ministrisë së bujqësisë dhe zhvillimit rural lidhun me Emnimin dhe ndamjen e Territorit të gjuetisë në Malësi;

–        Shkresë Ministrisë për të Drejtat Njerëzore dhe të Pakicave; dhe

–        Shkresë Institucionit Komunal të Malësisë.

*          *          *

Shpresojmë se Projekti Komuna MALËSIA / Tuz do të jetë në krye të agjendës së takimit tuej, dhe sugjerojmë që agjenda t‘i përfshijë çashtjet vijuese, si kruciale për Identitet, Egzistencë, Zhvillimin e Përparim të Bashkësisë së Malësisë dhe Popullit Shqiptar Autokton në Mal të Zi e – si të tilla – prioritare e urgjente për shqyrtim e veprim:

I.         Kërkesë për Themelimin e Komunës MALËSIA / Tuz me Ligjin për
            Organizim Territorial, menjiherë, pa referendum e prolongime të
            mâtejshme.

Përkujtojmë se Kërkesën e Përbashkët për formimin e Komunës MALËSIA / Tuz, në koordinimin e Sekcionit Juridik të Shoqatës sonë, në Mars 2002 e nënshkruen përqësuesit e 18 Partive politike dhe Organizatave Jo-Qeveritare në Malësi  e Diasporë të saj në SHBA. Malësia para Luftës II Botnore ishte e organizueme në katër (4) Komuna Fisnore dhe në Komunën e Qendrës:

                                   1. Komuna KUÇ I POSHTËM (KOJË) / Ubla,              

                                   2. Komuna TRIESH / Stjepoh,

                                   3. Komuna GRUDË / Priftën,

                                   4. Komuna HOT / Skorraq, si dhe

                                   5. Komuna TUZ / Tuz.

Kërkesa e Përbashkët, mâ vonë u plotësue edhe me Kërkesën për kthimin e Pronës Kolektive (të Fiseve dhe Vëllaznive të Malësisë) Komunës MALËSIA / Tuz, pjesa përkatëse e Fushës së Cemit dhe pronat tjera, të konfiskueme mbas Luftës II Botnore, pronë e cila bân pjesë në 12 Komuna Kadastrale. Kjo Kërkesë iu dorëzue Komunës së Podgoricës me 21. 12. 2005.

Kërkesa për themelimin e Komunës MALËSIA / Tuz iu dorëzue Ministrisë së punëve të jashtme dhe integrimeve europiane, me 9 Fruer 2011, me pritje se do të inkuadrohet në Planin e veprimit për përcjelljen e plotësimit të kushteve për fitimin e datës së negocimit për anëtarësim në EU.

Njikohësisht edhe si provë se Mali i Zi âsht i vëndosun me Implementue Kartën Europiane për Vet-Qeverisjen Lokale (1985), për me Decentralizue Pushtetin, me zhvillue Demokracinë Lokale, dhe me Respektue të Drejtat e Bashkësisë së Malësisë, si Bashkësi e Popullit Shqiptar Autokton në Mal të Zi.

Qeverisë iu propozue që, me Ligjin për organizim territorial të Malit të Zi, të vendosi formimin e Komunës MALËSIA / Tuz, për tâna vendbanimet e saj, simbas Rregjistrit Dy-Gjuhësor, të bashkëlidhun. 

Kushtëzimi me Referendum – i formimit të Komunës MALËSIA / Tuz – âsht Anti-Konstitucional dhe i papranueshëm. Në teorinë e praktikën konstitucionale 60-vjeçare të ish Jugosllavisë, Referendumi në nji komunë, pra në komunë  ekzistuese, âsht zbatue vetëm për financim e ndërtim të ndonji objekti infrastrukture, e askurr si mjet për me formue nji komunë të re mbrënda nji komune ekzistuese.

Formimi i komunave âsht Kompetencë dhe Detyrë e Pushtetit Qendror, e assesi detyrë e nji Njisie të Pushtetit Vendor, kjoftë edhe (Krye)Qytet.

Pushteti Qëndror âsht i obliguem me e prënue Bashkësinë Malësia dhe të Drejtën e saj në Drejtës në Vet-Qeverisje Lokale – Komunën me Emën të Vet të cilën Pushteti Komunist ia uzurpoi para 60 vjetësh.

Shteti që pretendon me kënë demokratik duhet secilës Bashkësi me ia garantue të Drejtën e Vet-Qeverisjes Lokale – Komunën, kjoftë ajo edhe nji-mijë (1.000) banorësh, ndërsa numri i zyrtarëve të administratës së saj kufizohet me numër të banorëve të Bashkësisë e me mundësitë ekonomike të saj, dhe sipas nevojës plotësohet me punë vullnetare.

Me Referendum – si mjet manipulues e spekulues – Pushteti tenton, nëpërmjet e votave të kolonëve, me e përça Malësinë si Bashkësi, me ia mohua Emnin dhe Kujtesën Historike të saj se Malësia ka Ekzistue, Ekziston, dhe Duhet të Ekzistojë si në Troje t’Veta si Bashkësi dhe Komunë e Popullit Shqiptar Autokton në Mal të Zi, e cila e Drejtë asaj iu suspendue pas Luftës së Dytë Botnore, arbitrarisht e pa kurrfarë fajit. 

Referendumi, si spekulim, âsht i kalkuluem me legjitimue mohimin e Emnit të Malësisë, si Bashkësi Autoktone, dhe të Drejtës së sajë në Vet-Qeverisje Lokale, tue instrumentalizue Kolonët e vendosun në Malësi gjatë dy decenieve të fundit. Referendumi, si mjet spekulimi, njikohësisht âsht i kalkuluem me mohue edhe Bashkësinë Boshnjake të ardhur në Malësi dhe të Drejtën e saj në Komunë të Vet, e cila poashtu ka të Drejtë në Vet-Qeverisje Lokale të vet, tue kënë edhe ajo, asgja ma pak se Bashkësia e Malësisë, Viktimë e të njâjtit proces Asimilimi dhe Pastrimi Etnik të qetë.

Bashkësia e Malësisë në Parlamentin e vet, duhet të ketë të Drejtë me punue në Gjuhën Shqipe, njisoj sikurse Bashkësia Boshnjake e ardhun, në Parlamentin e Komunës së Vet, duhet të ketë të Drejtë me punue në Gjuhën Boshnjake.

Përkundër Parlamentit të Komunës MALËSIA / Tuz, i cili duhet të ketë të Drejtë me punue në Gjuhën Shqipe, Administrata e saj në punën  e vet âsht e obligueme me zbatue Principin e Dy-Gjuhësisë, dmth. pala duhet të fitojë gjegje në Gjuhën në të cilën ajo i drejtohet Administratës së Komunës.   

Në zbatim të Principit të Barazisë, realizimi i të Drejtës në Vet-Qeverisje Lokale të vet, Bashkësisë Autoktone të Malësisë dhe Bashkësisë së Kolonëve Boshnjak u siguron Respektin Reciprok e Bashkësjetesën, si Themel Stabilitetit lokal, regjional, e Shtetnor.

Zbatimi i tillë i Principit të Barazisë suspendon vazhdimin e Antagonizmit Etnik, Gjuhësor, e Konfesional në Malësi, të ushqyem nga klika interesash të tëhuejuna (alienueme), siç u manifestue me operacionin policor Fluturimi i Shqypes, në procesin gjyqësor politik kundër 18 Shqiptarëve Katolik nga të katër Fiset e Malësisë në Vendlindje e në Diasporë, dhe kampanjën shoveniste përcjellëse në media, e cila satanizoi Malësinë dhe tabuizoi Çashtjen Shqiptare në Mal të Zi.     

*          *          *

II. Krahas angazhimit ndaj Projektit Komuna MALËSIA / Tuz, Diaspora duhet të merret  edhe me çashtjet e mâposhtme.

Diaspora duhet ti drejtojë Qeverisë dhe Parlamentit të Malit të Zi:

1.      Kërkesë për emnimin e territorit të Malësisë si: Zonë Gjuetie me Emën të Vet – “MALËSIA”.

Shoqnia e Gjuetisë “MALËSIA”, e Malësisë, po ballafaqohet me Diskriminim të pashembullt, të cilin e pasqyrojnë këto fakte:

– Me datën 14 Maj 2008, Shoqnia e Gjuetisë “MALËSIA” i drejtojë    
      Ministrisë së bujqësisë, Kërkesë për ndamjen e territorit të Malësisë për   
      territor gjuetie të saj, në bazë të Ligjit për gjueti, miratue në vjetin
      1999;

– Kërkesa u trajtue me “Heshtje të Administratës”, dhe u vu në pritje  
     deri në hartimin e Ligjit të ri të gjuetisë i cili u miratue me 31 Korrik  
     2008, dhe hartimin e akteve nënligjore (Rregullore e Udhëzime);

– Me datën 29 Tetor 2010, Qeveria me Vendim ndau Territorin e Malësisë në   
    dy Zona Gjuetie dhe i emnoi ato:

      1. “Podgorica I”, për Malësinë e Veriut, në të djathtë të Cemit, dhe

      2. “Podgorica III”, për Malësinë e Jugut, në të majtë të Cemit, ndërsa

      3.   Zeta u emnue “Podgorica II”.

– Përkujtojmë se, USAID-i, për financimin e zhvillimit nën Projektin:
      Zhvillimi i Bashkësive përmes Veprimit Demokratik, me propozim të
     Pushtetit Bashkësinë e Malësinë e ndau në dy Bashkësi:

                             – Malësi e Veriut, dhe

– Malësi e Jugut.

– Me 25. 10. 2010,  Shoqnia e Gjuetisë “MALËSIA” drejtoi Objeksion   
     Ministrisë së bujqësisë, në Vendimin e Qeverisë, para publikimit të
     tij, për emnim dhe ndamjen e Territorit të Malësisë si Podgoricë dhe
     ndamjen e saj në dy Zona Gjuetie, si Podgorica I e Podgorica III, në
     vënd se në Zona e Gjuetisë “Malësia” me tanë Territor të Malësisë,
     në 12 Komuna Kadastrale – pjesët e saj: Bjeshkë, Male, Fushë dhe
     Liqë të Shkodrës;                                                                        . 

– Me të njâjtën datë, me këtë Objeksion u njoftue edhe Ministria për të      
     Drejtat Njerëzore dhe të Pakicave, dhe Institucioni komunal i
     Malësisë.

–        Mâ vonë, me 21 Kallnduer 2011, Shoqnia e Gjuetisë “MALËSIA”  
     rishtas i drejtoi Ministrisë së bujqësisë Objeksion për emnim dhe   
     ndamjen e Territorit të Malësisë.

–   Pas disa ditësh, me këtë Objeksion u njoftue edhe Institucioni komunal i
     Malësisë.                                           .
     
–  Në vënd të gjegjes pozitive me shkrim, në Shoqnia e Gjuetisë “MALËSIA”
     âsht nën presion me pritje se ajo do të heqi dorë prej Kërkesës dhe
     Objeksionit dhe të vet.    

2.      Kërkesë për anulimin e uzurpimit të Proneve të veta Individuale e
Kolektive dhe respektimin e gjendjes së rregjistrueme mbas Luftës së Dytë Botnore të të Drejtës së Pronës, të cilën e garanton e Drejta Ndërkombëtare.       

Pushteti ka dhânë Njoftim Publik se, me datën 10 Prill 2011, ka me u bâ fotografim ajror i pronave të paluejtshme në Komunat Kadastrale të Malësisë, dhe pronarët ftohen me i shënue pronat e veta deri atë ditë, dhe tërhiqet vërejtja se Pronat e pashënueme kanë me u rregjistrue për Pronë Shtetnore, në Kadastër.

Fotografimi i territorit të Komunave Kadastrale të Malësisë, me të cilin bâhet digjitalizimi i Pronave Individuale e Kolektive të Malësisë mund të shërbejë vetëm si Privilegj për Pronarët e Pronave të Shënueme, për me mujtë me nxjerrë të Dhanat Digjitale për Pronën e Vet, por assesi nuk mund të shërbejë si mjet për Grabitjen e Pronës prej Pronarëve të Ligjshëm.

Kjo Grabitje Prone kurrsesi nuk ka me ndodhë, siç mund të jetë mendue, vetëm për faktin se rreth Tri të Katërtat (3/4) e Malësisë aktualisht ndodhen në Emigracion, të shtrënguem nga privimi i të Drejtave Themelore për Jetë në Liri e me Dignitet në Trojet e veta Autoktone në Mal të Zi.     

3. Kërkesë për ndalimin e kolonizimit të mâtejshëm të Malësisë

Tue vleftësue problemin si çashtje të ndjeshme politike, asnji subjekt politik në Mal të Zi deri sot nuk ka guxue me ngritë zânin kundër inxhinjeringut demografik që po zbatohet kundër Malësisë me vendosjen e nji numri gjithnji në rritje Kolonësh Boshnjakës në Dhé të Zi dhe me krijim vendbanimesh tjera Boshnjake.

Âsht koha që Diaspora e Malësisë të hartojë e t’i parashtrojë Pushtetit të Malit të Zi Kërkesën për ndalimin e kolonizimit të mâtejshëm të Malësisë.
           

4.      Kërkesë për Përfaqësim Autentik të Diasporës Shqiptare në Parlamentin  e Malit të Zi dhe në Kuvendet Komunale përkatëse dhe sigurim të tij me Ligjin Zgjedhor

– i cili tash âsht në hartim e pritet se miratohet në Maj të këtij vjeti.          

5.      Kërkesë për përfshirjen e Diasporës Shqiptare në Rregjistrimin e Popullsisë, barazisht, pa diskriminim e në Buxhet të Shtetit, nëpërmjet pjesëtarëve të familjes që kanë në Vëndlidje, dhe Misioneve Dipllomatiko-Konsullore të Malit të Zi.

Principet Konstitucionale të Barazisë dhe Mos-Diskriminimit kërkojnë të përfshihet edhe Diaspora e Shqiptare nga Mali i Zi, në Rregjistrimin e Popullsisë e të pasqyrohet në Statistikën Shtetnore, në Buxhet të Shtetit, nëpërmjet pjesëtarëve të familjes që kanë në Vëndlidje, dhe Misioneve Dipllomatiko-Konsullore të Malit të Zi.

Kuptohet, rregjistrimi ka kuptim vetëm nëse qytetari, si në Vendlindje ashtu në Diasporë, ka liri të plotë me deklarue përkatësinë e vet Kombëtare/Etnike, Gjuhësore dhe Fetare (Konfesionale).

Këtë liri qytetarët e Malit të Zi e kanë pasë edhe në kohën e Pushtetit Komunist. 

Ndryshe, vazhdon politika e diskriminimit, asimilimit, inxhinjeringut demografik, dhe pastrimit të qetë etnik, të cilën do ta kundërshtojmë në instanca shtetnore dhe ndërkombëtare.

6.      Kërkesë për dryshimin e Ligjit për shtetësinë e Malit të Zi,  

                  Malit i Zi, si Shtet i Pamvarun, duhet ti garantojë Diasporës sonë të  
                 Drejtën në Dyshtetësi, dmth,

–       të Drejtën në shtetësi të Malit të Zi, dhe njikohësisht

–    të Drejtën në shtetësi të Shtetit të Imigrimit (ku ndodhet Diaspora).

Kët të Drejtë Diaspora Shqiptare, dhe Diaspora në përgjithësi, e ka fitue me shumë sakrifica e vetëmohime, tue kërkue Bukë e Liri, Barazi e Dignitet, të Drejta Themelore Njerëzore të garantueme nga e Drejta Ndërkombëtare. 

Kjo e Drejtë kurr nuk âsht kënë në dâm të Shtetit të mâparshëm Komunist, e aq mâ pak âsht në dâm të Shtetit të tashëm, i cili formimin dhe ekzistimin e vet e ka fitue me vota të Diasporës dhe me mbështetje pikërisht nga Shtetet e Bashkueme të Amerikës dhe Shtetet e EU.

Âsht absurditet me trajtue Shtetësisë e Qytetarëve të Malit të Zi në Shtetet e Bashkueme të Amerikës dhe në Shtetet e Europës, të cilat me gatishmëni e kanë përkrahë e prënue Pamvarësinë e Malit të Zi, njisoj me Nënshtetësinë e Qytetarëve të Malit të Zi në Republikën e Serbisë, e cila kategorikisht e ka kundërshtue Pamvarësinë e Malit të Zi.

Vetëm kjo e Drejtë i siguron Diasporës Lirinë e Kontaktit me Vendlindjen dhe ndjenën e afërsisë së saj, të Drejtën në Votë, dhe të Drejtën në Pronën e Vet në Troje të Veta.

Pa këto të Drejta, përsa u takon të Drejtave të Vendlindje të Vet – në Malësi, Qytetari i Malësisë në Diasporë barazohet me nji Zezak të Afrikës.

7.      Kërkesë për ratifikimin e Konventës të Kombeve të Bashkueme për

Popujt Autokton dhe Fisnor në Shtetet e Pamvaruna (1989).
      

Nëse Pushteti i Malit të Zi refuzon me e prënue Bashkësinë e Malësisë dhe me e formue Komunën MALËSIA / Tuz, simbas Kërkesës së Përbashkët, atëherë duhet t’i parashtrohet Kërkesa për ratifikimin e Konventës të Kombeve të Bashkueme për Popujt Autokton dhe Fisnor në Shtetet e Pamvaruna, e cila i mbron plotësisht të Drejtat tona në Vetqeverisje, në Emën, në Pronë, në Identitet, në Dignitet, dhe në Institucionet Tradicionale Autoktone Shoqnore, Juridike, Ekonomike, Kulturore, etj.

Poashtu, krahas dorëzimit të kësaj Kërkesë, duhet me fillue pregaditjet për me shënue 9 Gushtin – Ditën Ndërkombëtare të Popujve Autokton të Botës (International Day of the World’s Indigenous People).

Presim që kopjet e tâna këtyne Kërkesave t’ia dorëzoni: Kongresit dhe State Departmentit të SH.B.A, EU, CoE, OSCE, UNHCHR New York & Geneve, Qeveria e Parlameti i Shqipërisë, Qeveria e Parlamenti i Kosovës, Project on Ethnic Relations - Princeton University, NJ – per@per-usa.org; NAAC Washington - naac@naac.org; AACL New York –jjd@aacl.com; etj. dhe kopjet e protokollueme t’i rueni në vend të caktuem  (Arkiv).

Në këtë mënyrë do t’u mundësohet këtyne adresave të binden se si trajtohen të Drejtat e nji Bashkësi të Popullit Shqiptar Autokton në Mali i Zi, në nji shtet që lëvdohet se âsht shëmbull në regjion, dhe me çka kjo Bashkësi po ballafaqohet mbas pavarësisë së Malit të Zi.

III.      Formimi i Fondit për Malësi;

Secila Kërkesë lypë vullnet dhe veprim të kualifikuem, dhe mund të zbatohet vetëm nëpërmjet Projektit të veçantë me emën të vet, në bazë të Kontratës, e cila   përmban: Projektin (Emnin), Punëdhânësin dhe Zbatuesin, si palë kontraktuese, dhe Fondin me të cilin finansohet zbatimi i tij. 

Âsht koha të formohet edhe Fondi për Malësi, me moto „nji dollar për Malësi“. Vleftësojmë se Fondi i tillë ka rândësi të shumëfishtë, ndër tjera edhe se: do to mundësojë, me nji shpërblim të arsyeshëm, me zbulue dhe angazhue resurse në Malësi e Diasporë, për veprim në interes, në të mirë, dhe në përparim të Malësisë.
Si i tillë, Fondi do të ngritë ndërgjegjen dhe përgjegjësinë e Individëve dhe Shoqatave që do të angazhohen për zbatimin e Projekteve për të mirë të qytetarëve të Malësisë; ngritë solidaritetin ndaj Qytetarëve të Bashkësisë në Vëndlindje e Diasporë.

Themelimi i këtij Fondit âsht edhe aq mâ i arsyeshëm tue pasë para sysh se deri tash Diaspora e Malësisë ka bashkua fonde për tâna Trojet Shqiptare, e tash âsht koha edhe në kët mënyrë afatgjate e institucionale me e përkrahë dhe me e ndihmue Vendlindjen e vet.

Vërejtje:

Shkresën po ua përcjellim Organizatave të Diasporës së Malësisë në SH.B.A. të cilat e kanë nënshkrue Kërkesën e Përbashkët për formimin e Komunës MALËSIA / Tuz:

–    Fondacioni Dedë Gjon Luli, info@dedgjoluli.org

–        Fondi Humanitar Malësia NY, albusarealty@aol.com, nikollejuncaj@aol.com

–        Shoqata Atdhetare Malësia e Madhe Detroit, pjeterb@aol.com

–        Knights of Columbus At Gjergj Fishta Detroit, ggjokaj@aol.com

–        Shoqata e Studentëve Shqiptarë Detroit,            Peter.Vuljaj@etasinc.com

–        Shoqata e Intelektualëve Shqiptarë Detroit, tivanaj@yahoo.com

ANNEX:

I.

Kërkesë e Përbashkët e 18 organizatave Qeveritare e  Jo-Qeveritare për   themelimin e Komunës MALËSIA / Tuz Qeverisë së Mali të Zi, 16-VIII-'02.
      
– Rregjistri Dy-Gjuhësor i Vendbanimeve të Malësisë, Mars 2002

– Harta e zhvillimit hisorik të Malit të Zi, 1954;

– Harta e ndamjes Aministrative-Territoriale të Republikës Popullore të  

– Kërkesë për kthimin e Pronave Kolektive të Malësisë, 21-XII-2005;

– Plotësim i Kërkesës për kthimin e Pronave Kolektive t'Malësisë, 17-IV-'07;

– Konkluzë - Refuzim i Kërkesës për kthimin e Pronave të Malësisë, si  
    kërkesë të palejueshme, 24-IV-2007;

–  Ankesë në Refuzimin e Kërkesës për kthimin e Pronave të Malësisë,
    20-IX-2007;

– Kërkesë Propozim Diasporës për ndihmë në Projekt, 6-IX-2009;

– Kontribut për takimin e Përfaqësuesve të Diasporës së Malësisë në
          Amerikë, 15-IV-2010;
      – Propozim-Amandamente në Projekt-Ligjin për organizimin territorial
       –Rregjistri Dy-Gjuhësor i Vendbanimeve të Malësisë, 26-IV-2010;

– Konstitucioni i Malit të Zi, disa aspekte, 15-XII-2007;

– Kronologjia e pjesshme e shkresave lidhun me  
   Projektin Komuna MALËSIA/Tuz, XII/2007.

II.  
Kërkesë  USAID-it,  për  vazhdimin  e  partenrsisë  me  Projektin  II: 
      Themelimi i Komunës MALËSIA / Tuz, 31-I-2011.

      – Aplikimi për Grant të Vogël të Komisionit për Demokraci,
                në zbatim të:  Kërkesës së Përbashkët të 18 organizatave Qeveritare e 

         Jo-Qeveritare për themelimin e Komunës MALËSIA / Tuz

             – Prezentimi i Shoqatës me dy Projekte në Press-Konferncën e USAID, me   
                rastin e lidhjes së Partnersisë, 26-IX-2002;

      – Komunikatë e USAID për media, lidhja e Partnerësisë me Shoqatë në Projektin I:    
          Hapja e studimeve të Mësuesisë në Gjuhën Shqipe në Tuz, 26-IX-2002;

III.
             Kërkesë Ministrisë së punëve të jashtme dhe integrimeve europiane të MZ, për themelimin e Komunës MALËSIA / Tuz, 9-II-2011,

– në zbatim të:  Kërkesës së Përbashkët të 18 organizatave Qeveritare e  Jo- 
Qeveritare për themelimin e Komunës MALËSIA / Tuz.

 IV.

Objeksion Ministrisë së bujqësisë dhe zhvillimit rural, lidhun me   
emnimin dhe ndamjen e territorit të gjuetisë në Malësi, 25-X-2010;

–   Aktvendimi i rregjistrimit i Shoqnisë së Gjuetisë “MALËSIA”Tuz,
     26-II-2008; 
–   Kërkesë Ministrisë së bujqësisë me ia dhânë Shoqnisë së Gjuetisë
     “MALËSIA” Tuz territorin e Malësisë për gjuetim, 14-V-2008;

–   Vendim i Qeverisë për Zonat e Gjuetisë, (“G.Z. M.Z.”, Nr. 62/2010);

–   Objeksion - Ankesë Ministrisë, në Vendimin e Qeverisë për ndamje dhe
     emnim të Zonave të Gjuetisë, 21-I-2011.

V.

Objeksion - Ankesë Ministrisë për të Drejtat Njerëzore dhe të Pakicave,   
      lidhun me Emnimin dhe ndamjen e Territorit të gjuetisë në Malësi ;

      c) Shkresë Institucionit Komunal të Malësisë, lidhun me Emnimin dhe
                       ndamjen e Territorit të gjuetisë në Malësi.

5.  Konventa e Kombeve të Bashkueme për Popujt Autokton e Fisnor në    
                 Shtete të Pamvaruna, Nr. 169 (1989);

P.S.:

            Në media, âsht lëshue njoftim se Malësia feston 100 vjetorin e Kryengritjes së vjetit 1911.

            Problemet me të cilat po ballafaqohet formimi i Komunës MALËSIA / Tuz, si dhe problemet në realizimin e të Drejtave tjera, siç janë:
 

–        Mosprënimi dhe Ignorimi i Malësisë si Bashkësi,

–        Mosprënimi dhe Ignorimi i Emnit, Pronës, dhe Toponomisë së Malësisë,

–        Mosprënimi dhe Ignorimi i të Drejtës së Bashkësisë së Malësisë në             Vet-Qeverisje Lokale me emën të vet,

–        Diskriminimi në të Drejtën e ngritjes së Flamurit Shqiptar në Institucione Publike në Malësi,

–        Moszbatimi dhe Ignorimi i të Drejtës në përdorim zyrtar të Gjuhës Shqipe në Malësi,

–        Diskriminimi i Malësisë në shpenzimet Buxhetore të Shtetit dhe ato të Faktorit Ndërkombëtar në projektet zhvillimore në Malësi, dhe

–         Diskriminimet tjera të Bashkësisë së Malësisë dhe Popollit Shqiptar Autokton në Mal të Zi, 

- mâ parë se për Festim - janë arsye me parashtrue Kërkesë për antarësim në Shoqninë e Popujve të Kërcënuem (Society for Threatened Peoples).

_____________________________________________________________________________________
 Kolë Z. Camaj, adv., tel/fax: + 382 20 875 879, mob: (0)69 688 345, e-mail: camaj.k@gmail.com

Gjon T. Sinishtaj, iur, tel:+382 20 875 331, 225 954, mob: (0)67 262 245, e-mail: gj.sinishtaj@gmail.com

Shih të dhënat nga hartat