Joga, si një studim sistematik është krijuar 5000 vjet më parë. Arsyeja për këtë ngjarje ka qenë dëshira e madhe e njeriut për ta mësuar të vërtetën dhe për të arritur përceptimin e absolutës, për të gjetur qetësi shpirtërore në një botë të trazuar dhe jo të përhershme dhe për të jetuar në ekuilibër me natyrën. Gjurmuesit e të vërtetës nuk e kanë kërkuar në botën materiale por në atë shpirtërore. Ata kanë praktikuar metoda dhe teknika të cilat më vonë janë bërë lloje të ndryshme të Jogës si përshembull  Hata Joga(joga fizike) apo Raxha Joga(kuptueshmëri në nivelin racional) etj. Ata rrallë kanë arritur rezultate dhe suksese për arsye se praktika ka qenë shumë e vështirë apo për shkak të njohjes jo të plotë. Problemi kryesor ka qenë se si të zgjohet Kundalini dhe të arrihet kuptueshmëria personale për vetveten – realizimin e vetvetes(ang: self-realization).

Në secilin prej nesh që nga lindja ka një energji potenciale shpirtërore që vjen nga universi që hynë në ne derisa jemi tre muajsh e gjysmë e që në gjuhën sanskrishte quhet Kundalini. Kjo energji është nëna jonë shpirtërore dhe gjendet në fund të boshtit kurrizor në gjendje potenciale të fjetur. Nën kushtet e caktuara ajo energji mund të zgjohet pasi që ajo varet nga dëshira jonë që kjo të ndodhë. Shumë është shkruar për këtë në librat e vjetra por shumë rrallë dikush e ka arritë ndritjen, rilindjen, nirvanën apo samadi siç është quajtur kjo në doktrina të ndryshme.

Në vitin 1970 si rezultat i meditimit dhe eksperimentimit shumëvjeçar, Shri Mataxhi Nirmala Devi shpikëse dhe mësuese ka zbuluar metodën me të cilën çdo njeri që dëshironë mund të zgjojë energjinë e kundalinit. Ky është një përjetim shumë spontan në të cilën për disa çaste ne mund të arrimë dhe të vazhdojmë rrugëtimin tonë drejt rritjes shpirtërore. Ajo këtë metodë e ka quajtur Sahaxha Joga që në përkthim nga sanskrishtja do të thotë: e lindur, bashkim i papërpjekshëm me hyjnin. Sahaxha do të thotë diçka e lehtë spontane e lindur me ne. Joga do të thotë bashkim, bashkim me tërësinë e përgjithshme.

Ne shumë pak dimë për veten tonë, për shqisat tona, për energjitë dhe forcat që i posedojmë. Vetëm përmes njohjes së vetes sonë dhe sistemit të energjisë sonë ne mund të mësojmë se si ta mbajmë organizmin të shëndosh, dhe se si të jetojmë në harmoni me njerëzit e tjerë dhe me natyrën. Kur energjia jonë Kundalini të zgjohet në ne, shumë veti tona fillojnë të manifestohen spontanisht në qenien tonë subtile. Ne bëhemi shumë më të kënaqur me jetën tonë. Raportet tona me të tjerët bëhen më të mira; frikat, agresiviteti dhe emocionet tjera negative gradualisht fillojnë të zhduken dhe shëndeti ynë përmirësohet.

Shri Mataxhi Nirmala Devi e lindur në vitin 1923 ne qytetin Çindvara që gjendet në Indinë qendrore. Rrjedh nga një familje me nam, të parët e të cilës kishin qenë dikur sundimtar të Indisë. Babai i saj kishte qenë deputet në parlamentin e Indisë ndërsa nëna matematikante e njohur. Gandi e kishe vlersuar lart akoma derisa kishte qenë shumë e re sepse është parë se kishte aftësi të jashtëzakonshme. Më vonë Shri Mataxhi kishte studiuar medicinën dhe kishte qenë aktive në lëvizjen për çlirmin e Indisë. Për punën e saj në fushën e Sahaxha Jogës dhe Meditimit Shri Mataxhi kishte marrë shumë mirënjohje dhe dekorata interenacionale si për shembull nga Akademia e Shekencave e Rusisë dhe nga Senati amerikan. Në gjithë botën ka udhëtuar, ngado që është ftuar dhe ka mbajt me mijëra ligjërata në gjithë botën në Evropë, Amerikën Jugore dhe Veriore, në Australi në Azi dhe Indi. Ajo më shumë është njohur si nënë sesa si guru, dhe dëshira e vetme e saj ka qenë t’ia dhuroj njohurinë e saj çdo kujtë kush ka qenë i interesuar.

Përgatiti: Valdet Fetahu