KRISHTLINDJET   PA  JU**

Buzmat i gjeta  të prerë

aty  ku i lenim  gjithmonë

thirrjes  me  çka  po vjen

o  buzmi  bujar?

I  mungonte  pergjegja

mungonin  zëra     

Simoni. .

Krista....            

Filipi...... 

  ..Pashkja       

Gjergji...Kastrioti

Buzmit i thahej ushqim

në  cep  të  buzës

Sofrës  nuk  ju  sillem

më  shum  se  tri  herë/*

mungonin  hapat  tuaj

vendet  e  zbrazura

dukeshin  si  plagë

Filipi  Simoni

 Pashkja   Krista..

Gjergji. 

  Kastrioti..         

Telat  e  çiftelisë

me  një  fjongo  të kuqe

i  kishte  lidhur  Sotiri.

Lamën*e bëmë  ndër  të  paret

përshëndetëm  yjet

në  vendin  tuaj

o zot sa shum yj sivjet.

Në  kryqin e  lamës

më  gotën  e parë

ju  ngjatjetova  Simonit

dhe  të  tjerëve   me  radhë

më xixat  e  buzmit* rrethova  zërin

që  ma  përbiu  terri

edhe   xixat..

edhe   buzmat,edhe   mua

dhe  pesqind  e  dyzet  zëra

që  Trrava  memece

perbiu  nga  lëma  ime.

Fishekzjarre  nuk  u zbrazën

për herë të parë  në Meje

se   nuk  dihej...

mos  ajo  vet  ishte  Varri..

që  mba   brenda   gjithë  ju

o  shpirtra  të  mirë.

/*Rite pagane qe bëhën edhe sot

Krishtlindjeve.

---

Kershendella.2000.

CICËRRIMË

Çdo nate  i  vjel nga   një  cicërrimë

nëpër  parmakë  dritaresh

fluturojnë  ofkëllimat

terri  përpinë  zogj

nuk  e  di...

u  bëra  cicërrimë  apo  zog?

ngjitem  agut deri të  Kroi  i  Dashamirit

laj  sytë  me  of-e  

më  dhëmbë  e  thithë

gjakun  e  ngjizur nën  lëkurën

e  rrahur dallgësh.

Në  vekun  e  shpresës

çdo ditë më  këputet nga një fije

ora  irnosë  damarët

deri  në  ç´akordim

nuk  i besoj  as  lapsit  tim

sa   herë   kollitet

ma  vret nga  një rrokje  në varg.

Zbehem   si   hije

jashtë   murit  të  gjallë

përgjysmë  trupit  tim  të vrarë

kurrë   më   shumë  nuk  i  jam  frikësuar

Orës    së   ligë

sa  herë  marr zemrën  në  krahë 

çetinat   në   thumb 

pushkën  e  zbrazur  ma   mbushë

të  mbushuren  ma  zbraz

kur  dallgët  degdisin

ballit  tim  të  thyer.

---  

Gusht.96.Wupprtal.

RITUAL   E   KËNGË

Sa herë i këndojmë  Malit

na  rriten  këngët

Mali  rritet

edhe  varret

edhe  gjeografija  ime

e  copëzuar  dridhet.

Rrugët  na  ngushtohen

deri  në  gjerësi  peri

të  lidhura  nyje  kryqëzohen

deri  në  mosnjohje

edhe   malet  nganjëherë

i  pagëzojmë

me  fluturime  zogjesh

të  lidhura  nyje

lulet  tona  të  njoma

vyshken  kopshtit

të  dhembjeve 

kënga  të ketë  një prehër

gurët  epitafe

varret   emra..

UNË   DHE  GURI

Në një bjeshkë të rrahur

gur  i  shpuar

Guri  i  zi-u

e pyes  sa peshon

thotë   jam  kufi

e  pyes  për  plagët

më  flet  sllavisht

e  pyes  për  moshën

o  zot!  o zot!

më  flet  shqip

dhe shqip qan

si unë./* 

------  

*/ Rrugës për  Nish / 79

Fotografitë dhe teksti që i mbështjellë,  janë nën mbrojtje të autorit**

KORB   I   URITUR

Asgjë  nuk  ke në gjakun tim

përveç  prangave  të hekurta

dhe  një  pikë  helmi

që  për fundin  tënd e ruaj.

“dashuri”e vjetër

Pse  më  vardisesh

lavire ,shtatit

më   mbështillesh

të  ma  ndalosh  rritën

e  frymëmarrjen

dardhën e helmuar e ngrëna

të  mos helmohet  Dardhania

dhe  ta  shohë

fundin tënd trishtë                                    

fundin tënd bish(ë)t.  /* 

---

/*(në hetuesinë serbe tetor.93)

Gjakovë  

ANAMNEZË   E  VJETËR

Dhëmb  i  prishur  sulmon

plagë  të  vjetra  dhe  të reja

pa  mëshirë  kafshon

vret  si  rrufeja

edhe  një  herë  tjeter

ç’nofull  e  mbanë  mbrenda

e  re  apo  e  vjetër?

nëpër muze

u sulet portreteve

ua  kafshon lavdinë

nëpër Biblioteka

njollos   historinë

ç’është ky dhëmb i prishur

lavron  në  çdo  arë

specialistët  diagnostifikojnë

do  argjend

do  ar

terapi  e  çuditshme

vëndin  e indit të nzjerrë

se   mbush  dot

një  “Trepçë”  e  tërë.

Futu  në  nofullen  tënde

dhëmb-dhëmballë  e  vjetër

anamnezë  e  njohur

më  se  njëmijë vjeçe.                   

---

Prishtinë 1986

PAK   MË   I  KUQ...

...... PAK  MË   I  BARDHË

Egër  fryjnë  erërat  e  marra

mbi  lulekuqet  e  njoma

pak  më  i  kuq  qumështi i nënës

pak  më  i  bardhë  gjaku  im.

Lule  i  dhurojmë

pranverës gjelbroshe

qe ja zbukurojnë shtatin

Kosovës trimoshe

pak  më  të bardha lulet

pak  më  e blertë  pranvera e jonë.

.........

Pak më të bukura këngët. 

---

Gjakovë 86

LINDJA   QË   PO  VONOHET

Zëri  i ëmbël i nënës

grish  shkrumin  e  shpirtit

djegur  në  flakën

e  kohës  së  rrebeshit

guri  i  lëmuar

në  bjeshkën  e  mundjes

vetmuar   thërret  i etur

në portin  e  pikëpjekjeve

ta  freskojmë  gjakun

zëmra i  rrah  në Kosovë

koka në Tiranë

krahët ......

Ulqin, Preshevë  e  Shkup

bartin  dhëmbje

dashuri  për  të  çetuar

bjeshkës  së  djegur.

Mbi varrin e harruar

gjuaj  gurë

ai  rritet

une plakem  para lindjes

më dashurinë  e  rritjes.

---

Gjakovë/90

FAQET   DITORE

Çdo ditë vulosen  faqe rrezolutash

në  tënden  të  zezë

hamshorë   shpetimi  shilon

a  kuaj  Troje

që  kalërojnë   fushës

ku  korbat  rrëmojnë

sytë  e  tu  të  zi,

sytë  e  tu që  s´janë

si  do ta  quajnë  femijën

që  kurrë  nuk  u përkëdhel

në prehërin  e  cicëlokës  së vet?

Kërkon   dashurinë

i  etur  nëpër  faqet

besëlidhura

pa   këngë

ninullë  a  vaje

të   kënduara   më   breza

në  caranin  e  vatrës

për  altarin  e  dashurisë.

XIXËLLONJAT   E   KOPSHTIT

Xixëllonja  garnizonesh

ushqenim  me  aromë gjaku

e lulesh  në  bulim

polici  Nenad/*  digjej

në  zjarrin  e  vet

kasaphane   zogjesh.

Kopshtin  e  shoh 

edhe   kopshtarin

Nenadi/*  shkopin edhe litarin

vegza  që  i  çthurte

deri  në  buzëvarri.

Zogjtë

ofkëllinin shqip

dhe mbyteshin ne gjak

udhës  se  kateve  Karpate.

---

/*Polic hetues serb në Gjakovë

1993.

URIM   PËR  VITIN  E  RI

Së  bashku më urimin e vitit të Ri

ju  dërgojmë  edhe  një  hero

arkivoli  është  i  yni

dërgon  S.M.B. Jug.

pranon  Kosova

një yll u shua

dhjetë,

tridhjetë....

urime   Kosovë ..

Kopshtin  e  yjve  të  lirë!

---

Kosovë/80-90