Pasqyrë e shkurtër kronologjike mbi veprimtarinë e poetit të ri, Bujar Plloshtani

Në vitin 2002 nisi studimet për Drejtësi në Universitetin e Europës Juglindore në Tetovë, ndërkohë është tërësisht i tërhequr pas poezisë dhe filozofisë.

Nëntor-Dhjetor 2005 publikon librin e parë me poezi: "Heshtja e poetit".

Në Dhjetor 2005, si anëtar i Lidhjes se Shkrimtareve Shqiptarë të Maqedonisë, viziton Goethe Haus & Goethe Museum & Ekspozitën Friedrich Schiller në Frankfurt/Main.

Më 23 Shtator 2006 merr pjesë në manifestimin letrar "Portiku poetik" të Dibrës.

Më 27 Nëntor 2006 reciton në një Orë letrare poezinë "Perëndimi i shpirtit" kushtuar ditës së Pavarësisë së Shqipërisë.

Më 22 e 23 Qershor 2007, në bashkëpunim me Bashkinë e Rrethit të Sarandës, organizon dhe drejton edicionin e parë të manifestimit letrar mbarëkombëtar "Saranda- muza e poezisë" në Sarandë.

Në Tetor 2007 themelon Shoqatën e artistëve "Pushkin" dhe zgjidhet kryetar i saj.

Në Nëntor 2007 i publikohet libri poetik "Nga regjia e shpirtit".

Më 10 Nëntor 2007 merr pjesë në Netët poetike "Takime nën Rrap", të organizuar në Shkup. I jepet çmimi "Për vepër erotike" botuar brenda dy takimeve.

Po në Nëntor 2007, Shoqata e artistëve "Pushkin" organizon dhe drejton edicionin e parë të manifestimit letrar "Poezia, art i fjalës".

2008: Boton librin me poezi të zgjedhura nga autorë të botës: "Perla e poezisë botërore".

2009: Boton librin me letra filozofike “Traktati mbi arsyen e mendimit”.

2010: Boton librin me poezi filozofike “Mbi arsyen e fjalës”.