Bëhet fjalë për ngjarje që lëndon popullatën botërore duke sjellur përfitime për grupe njerëzish të cilët kanë mundësitë për krijime të gjendjeve të frikës masive në rajone të gjëra si dhe në shkallë botërore. Deklaratat e Z. Volfgang Wodarg, anëtar i Komisionit për Shëndetësi të Këshillit të Evropës se «... kjo nuk është hera e parë që OBSh shket… » dhe këtu përmend rastin e shkarjes së rëndë gjatë vitit 2002/03 me rastin e përhapjes së Sindromit të Ashpër e Akut të Frymëmarrjes. Shifrat flasin për një stërritje  dhe asgjë nuk justifikon alarmin  asaj kohe.

Z. Wodarg pyetjes së gazetarëve se si e justifikon OBSh këtë, pëprgjigjet :

«Ajo (OBSh)* sugjeroi se virusi ishte i ri dhe i panjohur. Por çdo vit është një lloj i ri virusi « gripal » dhe të gjitha këto sëmundje zhvillohen me viruse që çdo herë marrin forma të reja, duke u vendosur tek kafshët, te njeriu etj. Kjo nuk përbën asgjë të re në vete. OBSH pretendonte gjithashtu se virusi ishte i rrezikshëm pasiqë njerëzit nuk kanë të zhvilluar imunitet ndaj tij. Kjo është e gabuar për shkak se ishte vënë re që njerëzit e moshës mbi 60 vjeç kishin antitrupa. Kjo do të thotë se ata tashmë kishin qenë në kontakt me viruse të ngjashme. »

Me rastin e sulmeve nga ana e Z Wodarg, OBSh nëpërmjet Z. Dr. Keiji Fukuda mohon akuzat… :

"Ky virus është shumë i ndryshëm nga ato të gripit sezonal që zakonisht gjendet te njeriu. Testet laboratorike kanë konfirmuar se kundërtrupat ekzistuese nuk tregojnë asnjë reagim ndaj këtij virusi të ri, "OBSh mori masa të menjëhershme duke aplikuar Rregulloren Ndërkombëtare për Shëndetësi dhe në fund të shpalli pandeminë me 11 qershor 2009 " dhe vazhdon më tutje Dr. Fukuda, Virusi i ri është përhapur në një shpejtësi  të paparë, duke prekur 120 vende dhe territore në vetëm tetë javë (...) e duke shkaktuar vdekjen e 14 000 njerëzve. "

Si do që të jetë, në botë egziston një ndjenjë e hidhur zhgënjimi. Duket provat e Z. Wodarg të jenë më të besueshme dhe se alarmi i përhapur në katër anë pati në pikë të parë rrënjët e saja në fitimet materiale. Vihet pyetja se pse këshillohej vakcinim i dyfishtë kur dihet se nuk kishte nevojë për këtë gjë sikur edhe që nuk ka nevojë për vakcinim të dyfishtë as për të shumtën e gripeve tjera stinore. Shumë ekspertë janë të mendimit se injektimi i vaksinës grupeve të rrezikuara ishte plotësisht i mjaftueshëm për parandalimin e përhapjes së virusit në përmasa pandemike. Duke ndjekur këshillën për vakcinim të dytë, shum shtete blejtën dyfishin e dozave në krahasim me popullatën e tyre.

Stina dimërore është më e prekura nga gripet e kjo e viteve 2009/10 kaloi me më pak « torturë ». Ku mund t’i kërkojmë shkaqet : Së pari nisem nga thënia popullore : Edhe ujku i ngimë edhe dhent në numër. » Insistimi për pastërti vetjake dhe për mbrojtje të tjera që përcjellin në çaste të pandemive luajtën rol vendimtar në mbrojtjen e popullatës edhe nga gripet e « rëndomta » e me këtë fituan në një mënyrë të gjithë. Ekonomia botërore nuk pati humbjet e zakonshme stinore për mungesë të krahut të punës për shkaqe gripi, se ai as që u paraqit seriozisht (bëhet fjalë për grip sezonal). Duke u mbrojtur me pastërti të jashtëzakonshme nga H1D1, njerëzimi evitoi edhe semundjet të themi banale dhe kështu, edhe pse në mënyra të turbullta, u shitën doza të mëdha vakcinash, edhe u mënjanuan humbjet e patronëve e sigurimeve për shkaqe pushimesh shëndetësore, edhe masat e gjëra u prekën më pak nga gripet e mundshme stinore… Si thash më parë, ujku i ngimë, delet n’vend. 

Ngelë vetëm ndjenja e hidhët e realitetit të të  mashtruarve.

filolet